Ил Дархан Муусука Үрдүкү оскуолатын ректорын кытта көрүстэ
Ил Дархан Муусука Үрдүкү оскуолатын ректорын кытта көрүстэ Өрөспүүбүлүкэ баһылыга Айсен Николаев Муусука Үрдүкү оскуолатын ректора Надежда Зайковалыын көрүстэ. Оскуола саӈа комплексын тутуутун хаамыытын дьүүллэстилэр. Ректор дакылаатынан, тас үлэлэр түмүктэммиттэр, сылааска холбоммут, билигин ис өттүнээҕи үлэлэр ыытыллаллар. Бу комплекс дойду бэрэсидьиэнэ Владимир Путин сорудаҕынан оӈоһуллар, сыл бүтүөр диэри үлэҕэ киириэхтээх. Ону тэӈэ саӈа тутуу үбүлээһинин, кэнсиэрдииргэ рояль атыылаһыллыахтааҕын уонна туруоруллуохтааҕын ырыттылар. Ил Дархан оскуола үлэтин бастакы күнүттэн туох баар наадалааҕынан хааччыллыахтааҕын тоһоҕолоото. Тэрийии уонна үп боппуруостарын тутуу түмүктэниитин кытта тэӈӈэ быһаарыахха наада диэн бэлиэтээтэ. Хаартыска: Айсен Николаев МАХ ханаала