⛴️Бүгүн паромнар бүтэһигин сайыҥҥы тарыыбынан үлэлииллэр
⛴️Бүгүн паромнар бүтэһигин сайыҥҥы тарыыбынан үлэлииллэр Алтынньы 26 күнүгэр Дьокуускай-Аллараа Бэстээх хайысханан паромнар сайыҥҥы тарыыбынан үлэлииллэр. Бүгүн сайыҥҥы тарыыбынан бүтэһик күннэрин үлэлииллэр диэн СӨ тырааныспар министиэристибэтэ иһитиннэрдэ. Салгыы паромнар үрдэтиллибит тарыыбынан айанныахтара. «Навигация сабыллыбытын кэнниттэн тарыыптар судаарыстыба өттүттэн хонтуруолламматтар», — диэн биэдимэстибэҕэ иһитиннэрдилэр. Алтынньы 26 күнүгэр 8 паром үлэлиирэ бэлиэтэнэр. Ол кэнниттэн 3 мууһу алдьатар паром айанныаҕа. «Паромы Якутии» салайааччыта Николай Ефимов СИА-ҕа иһитиннэрбитинэн, таһаҕаһы тиэйэр массыынаҕа биир сырыыга айан сыаната 100 тыһ солк диэри буолуон сөп. Кыра массыыналарга маркатыттан айан сыаната 5 тыһ-15 тыһ солк тэҥнэһиэҕэ. Ол гынан баран пассажирдарга айан сыаната оннунан хаалар – улахан дьоҥҥо 350 солк.