Дьиэ кэргэн күнүгэр олохтоохтору кытта бииргэ буоллулар библиотека үлэһиттэрэ Елена Соф... — 8 июля 2026 г. в 12:29:42.819
Дьиэ кэргэн күнүгэр олохтоохтору кытта бииргэ буоллулар библиотека үлэһиттэрэ Елена Софронова уонна Юлия Максимова. Елена Ивановна "Олох ооньуута" Айсаана кэпсээнин ааҕан иһитиннэрдэ . Оттон Юлия Александровна Дьиэ кэргэн, таптал уонна бэриниилээх буолуу кунугэр аналлаах тургутугу ыытта. Түргэн толкуйдаахтар минньигэс бириистэргэ тигистилэр. Кэккэ сылларга олохтоохтор Сүбэлэрин салайааччылара Василий Петров уонна Александр Егоров А.И. таайбараҥнарга инники күөҥҥэ сылдьаллар. Бүгүн да кэмпиэт элбэҕэ кинилэргэ тигистэ, атыттар да олох кураанах хаалбатылар. Тургутуктар (тестар, викториналар, таабырыннар) кырдьаҕас дьоҥҥо олус улахан туһалаахтар. Кинилэр киһи өйүн-санаатын уонна олоҕун таһымын тупсарарга күүстээх көмө буолаллар.Тургутуктар кырдьаҕас дьоҥҥо сүрүн туһалара: Өйү-санааны эрчийии (когнитивнай тренировка): Тургутук ыйытыыларыгар эппиэттиир кэмҥэ мэйии активнайдык үлэлиир. Бу өйдүүр күүһү (память) тупсарар, болҕомтону сытыылыыр уонна сааһыран истэххэ мэйии кэбирээһинин (деменция, Альцгеймер ыарыытын) бопсорго көмөлөһөр. Төрөөбүт тылы уонна үгэһи умнубат буолуу: Сахалыы тыл суолтатын, өс хоһооннорун, үгэстэри уонна устуоруйаны тургутар тестэр кырдьаҕас дьон билэр хайысхаларын уһугуннараллар. Бу кинилэргэ бэйэ кутун-сурүн уонна олоххо уопутун сыаналанарга олук буолар. Эмоциональнай туругу тупсарыы: Тургутукка сөпкө эппиэттээтэххэ киһи бэйэтинэн киэн туттар, үөрэр-хомойор туруга тэҥнэһэр, бэйэҕэ эрэниитэ улаатар. Билсиһии уонна соҕотохсуйууну кыайыы: Кырдьаҕас дьон бөлөҕүнэн мустан оонньуур буоллахтарына, бу кинилэр икки ардыларыгар кэпсэтиини, санаа үллэстиини үөскэтэр. Ол соҕотохсуйууттан быыһыыр. Уопсайынан эттэххэ, тургутуктар — бу саастаах дьоҥҥо мэйии зарядката буолаллар. #НюрбинскийДИПИ #советыспециалиста #Деньсемьи