Ньурба ДИПИтигэр Ньурбачаантан төрүттээх Дьэрэмэй Попов олорор. Элбэх саҥата суох, ол э... — 6 июля 2026 г. в 11:39:06.547
Ньурба ДИПИтигэр Ньурбачаантан төрүттээх Дьэрэмэй Попов олорор. Элбэх саҥата суох, ол эрээри өрүү улуус, куорат сонуннарын мэлдьи сэҥээрэн истэр, санаатын үллэстэр. Эдэр сылдьан улахан активист да буолбатар, бэйэтин көлүөнэ дьонун кытта араас үлэни үлэлээн, уопсастыбаннай олохтон туора турбатах. Кини 1976 сыллаахха Ньурба бастакы оскуолатын бүтэрбит эбит. Ол аата ситии-хотуу аттестатын туппута номнуо үйэ аҥаара ааспыт. Бу бэлиэ түгэни кылааһын оҕолоро мустан бэлиэтиэххэ диэннэр Ыһыах күннэригэр араас тэрээһиннэри ыыттылар. Дьэрэмэй кэлиҥҥи кэмҥэ атаҕынан моһуогурдар да, бииргэ үөрэммит уолаттара анаан-минээн массыынанан кэлэн илдьэ баран, кылааһын оҕолорун кытта биир ураты күнү атааран үөрүүтэ үгүс. ДИПИ үлэһиттэрэ Еремей одноклассниктарыгар махталбытын биллэрэбит. Киһи санаа кулута. Сырдык санаа түстэннэҕинэ киһи туруга тупсар, үйэтэ уһуур дииллэрин бигэргэтэбит. #новостидома #НюрбинскийДИПИ #выпуск1976