Сайын кэрэтин эппитинэн-хааммытынан билэн эрдэхпит. Куйаас күннэр сатыылаан олохтоохтор... — 6 июля 2026 г. в 11:24:28.507
Сайын кэрэтин эппитинэн-хааммытынан билэн эрдэхпит. Куйаас күннэр сатыылаан олохтоохтор төһө кыалларынан күн уотугар дуоһуйа сыламныыр, от-мас сытынан толору тыынар соруктаах таһырдьаттан арахпаттар. Тиэргэҥҥэ сынньанар сир оҥоһуллан онно мустан үөрүүбүтүн үллэстэбит, сонуммутун кэпсэтэбит. Биир киэн тутта кэпсиир сонуммут - Ньурбаҕа ким хайа иннинэ дьэдьэн дыргыл сыта биһиги интэринээт-дьиэбитин тунуйда. Степан Романов түннүккэ олордубут дьэдьэннэрэ ас биэрдилэр. Ол бөдөҥнөрүн, ол сыта минньигэһин. Харахтаах барыта хайҕаата, муннулаах барыта сытырҕаата. Тото-хана сиэбиккэ дылы буоллубут. Махтал, Баһылай уола Ыстапааҥҥа! Ытыктыыр киһибит, ырыа-хоһоон куттаах Баһылай Сүөдэрэп Сайыны уруйдаан бэйэтин баҕатынан бииргэ олороочуларыгар анаан биир чаастаах кэнсиэр бэлэх уунна. Киниэхэ Саввинова Туяра, Бысырова Валентина, Дмитриева Валентина көх-нэм буолан сөбүлүүр ырыаларын эмиэ тардан кэбистилэр. Махтал Сүөдэрэп Баһылайга! Киһи сааһыттан тутулуга суох сөбүлүүр дьарыктаах буолуохтаах. Оччоҕо эрэ олохпут кустук араас өҥүнэн оонньуур, хас биирдии күн дуоһуйууну аҕалар. Эн дьарыгыҥ тулалыыр эйгэҕэ, чугас дьоҥҥор сырдыгынан сыдьаайао буоллаҕына - толору дьоллоох буолаҕын! Дьоллоох буолуҥ, доҕоттор! #новостидома #советыспециалиста