Отут сыл устата төһөлөөх киһи биһиги интернат-дьиэбитигэр үлэлээн-хамсаан ааспытын ааҕа... — 6 июля 2026 г. в 11:21:22.690
Отут сыл устата төһөлөөх киһи биһиги интернат-дьиэбитигэр үлэлээн-хамсаан ааспытын ааҕан сиппэккин. Биири бигэтик билэбит - бары үлэлээн ааспыттар идэлэригэр бэриниилээх, аламаҕай сүрэхтээх, күнтэн көнтөстөөх дьон диэн кинилэри ааттыылар. Бэтэрээннэрбит барахсаттар ыҥырыыбытын ылынан төһө баалларынан үөрүүбүтүн үллэстэ кэлбиттэрэ биһигини кынаттыыр эрэ. Сарсыардаттан олох тура тэбэн сырыттылар. Программаҕам киирбит тэрээһиннэри биири да көтүппэтилэр. Ол курдук тулуурдаах, тэрилтэлэригэр бэриниилээх дьоннор. Буоларын курдук барыларын салайан илдьэ сырыттылар Котоконова В.Н., Николаева М.И. Оҕолуу бүөбэйдээн үүннэрбит тэрилтэлэрин өрүү ахта-саныы сылдьар бэлиэлэрин директор Иванов Д.В. бэлэх арааһын туттардылар: Аар Хатыҥ хартыынаттан саҕалаан харчылаах сертификатка тиийэ, аны дьиэҕэ үүнэр сибэккилэри, ааһа баран Тамара Николаева - Сарыада хоһоонугар, Римма Сидорова дьүрүлүгэр дойдуларыгар Ньурбаҕа анаммыт ырыаны ДИПИ сценатыгар сүрэхтээбиттэрэ олус долгутуулаах буолла. Этэҥҥэ буолуҥ, күндү ветераннар! #юбилейДИПИ #нашиветераны