Күптән пирожкилар пешергән юк икән, берәр көнне камыр белән булышып аласы булыр әле
Күптән пирожкилар пешергән юк икән, берәр көнне камыр белән булышып аласы булыр әле 🥟Пирожкилар өчен чүпрәле камыр🥟 Бик тәмле! Икешәр порция ясыйм мин аны👍 Камыр өчен: 400 мл сөт, 2 чәй калагы шикәр комы, 3 чәй калагы коры чүпрә, 2 чәй калагы тоз, 4 аш калагы көнбагыш мае, кирәгенчә югары сортлы он. Сөтне, җылымса хәлгә килгәнче, җылытабыз. Чүпрә үзлекләрен югалтмасын өчен, сөт кайнар булырга тиеш түгел! Сөтне тирән савытка бушатып, шикәр комы һәм чүпрә өстибез, чүпрәнең яңа булуы мөһим. Массаны яхшылап болгатабыз һәм чүпрә активлашсын өчен 15 минутка калдырып торабыз. Соңыннан көнбагыш мае, тоз һәм өлешләп иләнгән он салабыз. Камыр кулга ябышмый башлаганчы, изәбез, ләкин он белән тутырмыйбыз, камыр йомшак булырга тиеш. Әзер камырны шарчык итеп әвәлибез дә, янәдән савытка салып, өстенә чиста юеш сөлге каплап куябыз. Камырны 30 минут ял иттерәбез. Камырның күләме 2 тапкырга арткач, порцияләргә бүләбез, суган белән катыш йомырка (кәбестә, повидло, эремчек һ.б.) эчлеген салып, пирожкиларны матур итеп бөрәбез. Камыр ризыклары еш пешерәсезме сез?😊