Хәерле иртәләр, төркемдәшләр!❤️
Хәерле иртәләр, төркемдәшләр!❤️ Шушы позитив шигырь белән башлап җибәрик әле җәйнең бу көнен🙏 Рәхәт җәй көне авылда... Хәтта будильник белә!⏰ Иртәнге дүрттә уята, Ул сине көлә- көлә. Башка чөеп бәйлисең дә, Кичтән салган яулыкны Чыгасың тикшерергә Сыер, сарык, тавыкны. Искә төшә теплицаны, Кичтән ябып куйганың. Узганында да эләкте, Ирең- түгел туганың... Каш өстенә кулың куеп, Тирә- якны карыйсың, Күпердән эшкә китүче, Машинаны саныйсың... Күрше яктан төтен килә, Чабасың шунда таба, Әһә, буржуйка икән, дип Күңел тынычлап кала... Бәрәңгегә күзең төшә, Үлде микән коңгызлар? Агуы да дару ахры, Уянганнар дуңгызлар... Аяк астында мәчеләр, Сырпалана сөт сорап. Казларга ипи саласың, Кичтән куйганны турап. Күрше бакчасыннан сиңа, Карачкы кулын болгый, Нәкъ күршенең үзе инде, Алсыннар- болай булмый... Үз карачкың ни әйтсәң дә, Матуррак күренә... Җиләк чыпчыклары куна, Шул карачкы иңенә... Рәхәт җәй көне авылда, Күзәтәсең, карыйсың, Юлың бакча аша узса, Шунда тамак ялгыйсың... Кыяр саргая башлаган, Помидорлар кызара... Ә син урман күзәтәсең, Җәй дисең үтеп бара... Түтәлне кырмыска баскан Тагын агу сибәсең. Кәбестә күбәләкләре, Үләм, күзем күрмәсен! Ботагыннан тезелешеп, Күзен кыса чияләр, 🍒 Банкаларны әзерлә дә, Җыярга чык, дияләр. Өй астыннан искергән Тозлыкларны ташыйсың, Кайнатмалардан сыерга, Тәмле компот ясыйсың. Шулай итмәсәң булмый ул, Яңасын ясыйсы бар. Искеләрен ташламасаң, Өй астында урын тар... Телефонга хәбәр килә, Тагын җыялар акча... Булсын иде бу акчаны, Утыртып бер ун бакча Телефоныңны бер ачкач, Бик тиз яба алмыйсың Статуслар, сторислар, Юбилей, туй карыйсың... 😍 Телефонга звонок килә, Шалтырата бер марҗа Әлү, дисең дә өзәсең, Бушка түгел ул калҗа... Кичтән яңгыр яуган иде, Тапталган баскыч башы... Җылытырга куйган идем, Карагыз әле ашны! Аннан кием алмаштырып, Ипигә йөгерәсең... Кибеттәге ВВСдән Күп яңалык беләсең. Кичә кемнең туе булган, Килен кайсы якныкы? Югыйсә бит, интернеттан, ШАТны гына карыйсы. Сокланып карап кайтасың, Авыл һаман да җәннәт! Инде ничәнче кабатлыйм, Җәен авылда рәхәт! 🙏 Батон белән тәмле итеп, Тагын бер чәй эчәсең... Аннан бер, ике, өч, һәм Дүртенче шигырьдәге эшләреңә күчәсең... Әйтеп торам, бүтән әйтмим, Җәй ул сезгә кыш түгел. Җәен рәхәт булганга, Сөенә безнең күңел! Лилия Гарифуллина📝