🤲 Этҡол ауылы мәсетендә Мәүлид айына бағышлап йыл һайын ҙур саралар үткәрелә. Быйыл да... — 2 сентября 2026 г. в 11:54:28.956
🤲 Этҡол ауылы мәсетендә Мәүлид айына бағышлап йыл һайын ҙур саралар үткәрелә. Быйыл да ошо күркәм йоланы дауам итеп, Мәүлид кисәһе уҙҙы. Был көн барлыҡ мосолмандар өсөн бик мөбәрәк, ҙур әһәмиәткә эйә көн, Пәйғәмбәребеҙ Мөхәммәттең донъяға килгән көнө. Ошо байрам айҡанлы Этҡол ауылы мәсетенең имам-хатибы Рәсүл хәҙрәт сараны асып изге теләктәрен еткерҙе, был кисәнең нисек барлыҡҡа килеүе, уның әһәмиәте тураһында һөйләне. Ул үҙенең сығышында Мәүлит байрамы - Ҡөрьән Кәрим аяттарын, салауат уҡыуҙан һәм Пәйғәмбәребеҙ тарихын бәйән итеүҙән торғанлығын йыйылыусыларға еткерҙе. Шулай уҡ, исламда изге көн һаналған Мәүлит кисендә саҙаҡа биреү, мосолмандарҙы йыйып табын үткәреү һәм доғалар уҡыу, тыңлатыу – был кисте хөрмәт итеү булыр. Мәүлид кисәһенә килгән мосолман ҡәрҙәштәр мул табын артында салауат, мөнәжәттәр әйттеләр. Барлыҡ теләктәр ҡабул булып, ил-көнөбөҙгә тыныслыҡ килһен ине, тигән теләктә булды ауылдаштар. Гөлдәр Йәрмөхәмәтова.