🌙📿Алмаз хәзрәт Галимҗанов: «Бу дөньяда бернәрсә дә мәңгелек түгел, шул хакта онытмаса... — 15 июля 2026 г. в 11:00:05.736
🌙📿Алмаз хәзрәт Галимҗанов: «Бу дөньяда бернәрсә дә мәңгелек түгел, шул хакта онытмасак иде» Бу дөньяда без һәрвакыт үзебезне көчле, беркемгә дә, бернәрсәгә дә мохтаҗ түгелдер сыман яшибез. Әмма һәр кешенең тормышында бер тетрәндергеч хәлләр була, ул вакытта кеше кемгә таянырга, кемгә барырга икәнен аңламый башлый. Һәм күп кеше сына, сыгыла. Әмма мөселман кешесе һәрвакыт кемгә таянырга икәнен белә, аңлый. Иман әһеле Раббысы белән элемтәдә нык тора, җаны -тәне белән Аллаһы Тәгаләне тоя . Чөнки иманлы кеше Корьәндә Аллаһы Тәгалә әйткән аятьне бик яхшы белә, ә ул аятьтә болай дип әйтелә: "Аллаһ Үзенә тәвәккәл кылучыларны яратадыр”. (“Әл-Гыймран” сүрәсе, 159 нчы аять). Димәк, Аллаһы Тәгалә үзенә тәвәккәл кылуны сөя, без бер мизгелгә дә шикләнми Аңа бөтен дөнья мәшәкатьләрен, якыннарыбызны, балаларыбызның язмышын Аңа тапшыра алабыз. Чын ихлас күңелдән Аллаһы Тәгаләгә ышанып, бөтен дөньяңны Аңа тапшырып яшәүдән дә мәртәбәлерәк тормыш була аламы? Юк, була алмый! Бүген күп кенә кешеләр стресс, депрессия белән интегә, күпләр ачлык, ялгызлык һәм башка төрле бәла-казалардан куркып яши. Бершиксез, бу проблемалар Аллаһка ышанып тәвәккәл кылу булмаганнан килеп чыга. Тулырак САЙТЫБЫЗДА укыгыз: https://saby-rt.ru/news/din/satys-avyly-imamy-almaz-xazrat-galimanov-bu-doniada-bernarsa-da-mangelek-tugel-sunyn-xakynda-onytmas