🌷«Татарстанда җәй» проекты кысаларында, Россия халыклары бердәмлеге елына һәм Татарста... — 22 июля 2026 г. в 13:00:07.326
🌷«Татарстанда җәй» проекты кысаларында, Россия халыклары бердәмлеге елына һәм Татарстанда Хәрби батырлык һәм хезмәт фидакарьлеге елына багышланган «Тарлау урамында очрашу» Урам бәйрәме узды. 🌸Шекше мәдәният йорты оештырган әлеге бәйрәмнең үткәрелү урыны итеп Алан-Елга авылының Комсомол урамында урнашкан Шәрифуллиннар гаиләсе капка каршысы сайланды. Әлеге йортның хуҗабикәсе Сәвия Мирас кызы – Шекше мәдәният йорты каршында эшләп килүче «Зиләйлүк» фольклор коллективы катнашучысы. 🌼Бәйрәмне моңлы көйләре белән гармунчы Рафаэль Сафин ачып җибәрде, ә урамның тарихы белән аның җәмәгате Наилә Сафина таныштырды. Әлеге урамда танылган шәхесләр дә яши, шуларның берсе – Наил Фәйзерахманов. Ул үзе турында һәм үзенең самбо белән шөгыльләнүе турында сөйләде. 🌺«Урамда яшәүче иң яшь кеше», «Урам картлары», «Иң яшь гаилә», «Өч буын яшәгән гаилә», «Иң матур ишегалды» һәм «Иң матур йорт» номинацияләрендә истәлекле бүләкләр тапшырылды. 🌻Комсомол урамы хуҗабикәләре татар ашларыннан сыгылып торган бай өстәл әзерләгәннәр иде - олысы-кечесе төм-томнардан авыз итте, шифалы үлән чәйләре эчте. Кичнең икенче өлешендә барысы бергә «Назалы», «Биш парлы» уйнадылар, гармунга кушылып җырладылар, биеделәр. Җәйнең бер бизәге булган әлеге бәйрәм бик озак күңеләрдә матур хатирә булып сакланыр.❤️