🌺 «Яшьлек» яшьләр үзәге Саба урта мәктәбе базасында Татарстан Республикасы Яшьләр эшлә...
🌺 «Яшьлек» яшьләр үзәге Саба урта мәктәбе базасында Татарстан Республикасы Яшьләр эшләре министрлыгы гранты булган «Бер дулкында» проекты кысаларында узучы чираттагы чарасын гамәлгә ашырды. 🌺 Һәрбер уздырылган чарага тирән мәгънә салуны максат итеп куйган “Яшьлек”леләр бу юлы төп игътибарны районыбызда яшәүче төрле милләт халыкларының мәдәниятен һәм гореф-гадәтләрен популярлаштыруга, милләтара татулыкны ныгытуга юнәлдергәннәр иде. “Районыбыз төрле милләт вәкилләрен берләштерә. Шул уңайдан “Бер дулкында" проекты кысаларында үсеп килүче буынга төрле җирлекләрдә яшәүче башка милләт кешеләренең күп еллар дәвамында бер-берсе белән тату һәм дустанә мөнәсәбәттә гомер итүләрен, үзләренең милли гореф-гадәтләрен, мәдәниятен һәм телләрен саклауларын, бер-берсенә ярдәм итеп, туган якны бергәләп үстерүләрен, гомумән, көнкүрешләре белән таныштыру бурычын куйдык. Әлеге проект кысаларында төрле милләт киемнәрен дә тектердек. Шул уңайдан без фильм да төшердек”, –дип таныштырды "Яшьлек" яшьләр үзәге хезмәткәре Алисә Гомәрова. Тулырак САЙТЫБЫЗДА укыгыз: https://saby-rt.ru/news/rayon/bis-millat-ber-gaila-saba-raionynda-ber-dulkynda-proekty-tormyska-asyryldy