🩺 «Оста» балалар иҗат үзәге базасында Саба районы мәктәп укучылары арасында «Дәвалау э...
🩺 «Оста» балалар иҗат үзәге базасында Саба районы мәктәп укучылары арасында «Дәвалау эшчәнлеге (фельдшер)» компетенциясе буенча «Оста – Саба» район чемпионаты узды. 💉 Чемпионатның теоретик өлешендә яшь белгечләр үзләренең белемнәрен сынады. Аларга фельдшер һөнәренең үзенчәлекләре, медицина хезмәткәренең төп бурычлары һәм эшчәнлеге буенча катлаулы биремнәр тәкъдим ителде. 📍 5-7нче сыйныф укучылары кирәкле медицина әсбапларын дөрес сайлап, кул учы сыдырылган очракта беренче ярдәм күрсәтү күнекмәләрен тәкъдим иттеләр. 8-11нче сыйныф укучылары кул чугы чыккан яки сынган очракта кирәкле медицина җиһазларын туплап, беренче ярдәм күрсәтергә тиеш булды. 📍 Бәйгенең баш эксперты, 1 нче «Шатлык» балалар бакчасының медицина хезмәткәре А. Р. Нәҗмиева катнашучыларның югары әзерлек дәрәҗәсен, медицинага кызыксынуларын һәм яңа күнекмәләр үзләштерүгә омтылышларын билгеләп үтте. ⛑️ Әлеге чемпионат укучылар өчен үз мөмкинлекләрен ачу, һөнәр сайлауга аңлы караш формалаштыру һәм медицина өлкәсенә кызыксынуны арттыру юнәлешендә әһәмиятле адым булды. Чемпионат җиңүчеләре: 5–7 нче сыйныф укучылары арасында: 🥇 I урын – Зәлия Фәләхова, Саба урта мәктәбе. 8–11 нче сыйныф укучылары арасында: 🥇 I урын – Тимерлан Шакиров, Икшермә кадет интернат-мәктәбе. Бүгенге яшь осталар – иртәгәге ышанычлы медицина белгечләре!