Нам улууһун Хомустаах Бастакы нэһилиэгин эдэр, кэскиллээх спортсменнарыгар Владислав ... — 27 мая 2026 г. в 22:21:09.932
Нам улууһун Хомустаах Бастакы нэһилиэгин эдэр, кэскиллээх спортсменнарыгар Владислав Мамаевка уонна Валерий Сивцевкэ спорт национальнай көрүҥнэригэр “Саха өрөспүүбүлүкэтин спордун маастара” үрдүк аат иҥэрилиннэ! Владислав уонна Валерий 1-кы кылаастан “Сайдыы” оҕо киинигэр бастакы тренердэрэ Андрей Петрович Ушницкайга хаамыскаҕа уонна хабылыкка уһуйуллан саҕалаабыттара. “Андрей Петрович оҕолорун курдук бүөбэйдээн, күрэхтэһиилэринэн илдьэ сылдьан, иитэн таһаарбыта. Онон биһиги Андрей Ушницкайга үөрэммит дьоллоохпут!» - диэн уолаттар махталлара улахан. Бэлиэтээн этэр буоллахха, “Сайдыы” оҕо кииниттэн үс хабылыкка, хаамыскаҕа Саха өрөспүүбүлүкэтин спордун маастара иитиллэн таҕыста - Рената Тимофеева, Владислав Мамаев уонна Валерий Сивцев.