Х.А. Христофоров аатынан Харыйалаах оскуола-садыгар "Көмүс күһүн" атыы- дьаарбаӈка буо...
Х.А. Христофоров аатынан Харыйалаах оскуола-садыгар "Көмүс күһүн" атыы- дьаарбаӈка буола турар. Аата да этэринэн Көмүс Күһүн сирин аһа ситэн, оҕуруота тото үүнэн киһи эрэ үөрэ- көтө астыах, кэнсиэрбэ, барыанньа, утах оӈорор кэмэ. Ол сиэринэн быйыл Харыйалаахтар оҕолуун сугуннаан, отонноон, хаптаҕастаан астыммыттар. Бэл диэтэр бу уу аҕыйаҕар Өлөөн эбэ балыгын арааһын аҕалбыттар. Туустаах сыа балык, тоӈоруллубут чомугур эмиэ көстөр. Кырачааннар быыстапкаҕа оӈоһуктара да дэлэй, айар дьоҕурдаахтар. Билиӈӈи кэмӈэ уолаттар атыыһыттаан ийэлэриттэн хаалсыбаттар. -"Тугунокта ылыӈ, дьаарбаӈкаҕа анаан балыктаабыппыт, маннааҕы балыккытын амсайыӈ"- диэн бородууксуйаларын батарар уолаттар буолан биэрдилэр. Маладьыастар, туһа дьоноҕут эбит- диибин. Бурдук ас да дэлэй, быартан торт былдьаһыһыгынан бүттэ. Маннык атыы- дьаарбаӈкаттан сөбүлүүр ас атыылаһар олус табыгастаах, инникитин да тэрийиэхтэрэ. Надежда Колодезникова, Харыйалаахтан @redsardana @ulusmedia