🐱 Мәчеләр күбрәк булган илләрдә кешеләр бәхетлерәкме?
🐱 Мәчеләр күбрәк булган илләрдә кешеләр бәхетлерәкме? 😻 Мәче асрау күңелне күтәрә генә түгел, ә тормыштан канәгатьлеккә дә бәйле булырга мөмкин икән! 🌍 АКШ, Мексика, Финляндия һәм Латвия галимнәреннән торган халыкара тикшеренү төркеме илдәге йорт мәчеләре саны белән халыкның тормыштан канәгатьлеге арасында бәйләнеш барлыгын ачыклаган. 🔎 Белгечләр 93 ил буенча мәгълүматларны өйрәнгән. Алар экологик, социаль-икътисади һәм психологик күрсәткечләрне, шул исәптән хезмәт хакы һәм медицина чыгымнарын да исәпкә алган. Шулай ук йорт хайваннарының таралышын һәм мәчеләрдән кешегә күчә торган паразитлар белән зарарлану дәрәҗәсен тикшергәннәр. 📈 Нәтиҗәдә, мәчеләрне ешрак асраган илләрдә кешеләрнең тормыштан канәгатьлеге югарырак булуы ачыкланган. Әмма паразит белән зарарлану дәрәҗәсе югары булган төбәкләрдә бу күрсәткеч, киресенчә, түбәнәя. 🏆 10 мең кешегә туры килгән мәчеләр саны буенча Люксембург, Словения, Латвия, Франция һәм Эстония алда бара. Бу илләрдә бәхет индексы 6,23тән ким түгел. Мөмкин булган иң югары күрсәткеч – 7,74. ☝️ Галимнәр исә әлеге бәйләнешнең сәбәбен бары тик мәчеләр белән генә аңлатып булмавын искәртә. Рейтингта алда торган илләрнең күбесе – халыкның матди хәле чагыштырмача яхшы булган төбәкләр. Ягъни кешеләрнең йорт хайваннары асрарга мөмкинлеге дә күбрәк. 🐈 Ә сезнең өйдә мәче бармы, дуслар? Алар кәефегезне күтәрәме? Комментарийларда языгыз! ❤️👇