Бүген «Чулпан» мәдәният йортында махсус хәрби операция зонасында хезмәт итүче егетләргә...
Бүген «Чулпан» мәдәният йортында махсус хәрби операция зонасында хезмәт итүче егетләргә ярдәм күрсәтү максатыннан үзенчәлекле концерт оештырылды. Чарада эстрада җырчылары, волонтерлар, шулай ук яу кырында якыннарын югалткан әти-әниләр, апа-сеңелләр, абый-энеләр катнашты. Сәхнәдән яңгыраган җырлар, ихлас теләкләр һәм җылы сүзләр бер максатка ил сагында торучы егетләргә рухи көч һәм ярдәм күрсәтүгә юнәлдерелде. Бу концерт сәнгать чарасы гына түгел, ә бердәмлек, мәрхәмәтлелек һәм күңел җылысының чагылышы. Биредә һәр чыгышның, һәр сүзнең, һәр җырның үз мәгънәсе бар. Чөнки еракта хезмәт итүче егетләрне көтүчеләр дә, аларга ярдәм итәргә ашыгучылар да бер теләк белән яши: якыннарыбыз исән-сау әйләнеп кайтсын! Бердәм булганда көчле без. Ярдәмебез, догаларыбыз һәм йөрәк җылыбыз егетләребезгә барып ирешсен!