Табигый сабыннар ясаучы Әдилә Вафинадан ванна өчен лаванда белән тоз әзерләү рецепты — 4 июня 2026 г. в 10:00:03.971
Табигый сабыннар ясаучы Әдилә Вафинадан ванна өчен лаванда белән тоз әзерләү рецепты Безгә кирәк була: матур кечкенә банка, эпсома тозы (английская соль, магний тозы), лаванда эфир мае, лаванданың кипкән чәчәкләре. Банканың яртысына эпсома тозын тутырабыз. Шуңа берничә тамчы лаванда эфир мае тамызабыз да капкачын ябып, яхшылап селкетәбез. Аннары ачып, лаванданың кипкән чәчәкләрен кушабыз да янә капкачын ябып, яхшылап селкетәбез. Шуңа тагын банка тулырлык итеп эпсома тозы өстибез һәм болгатабыз. Ванна тозыбыз әзер. Аны салкынча, коры урында саклыйбыз. Температурасы 37-38 градус булган суга 1 стакан шушы тозны салабыз. Ваннада 20-30 минут торабыз. Аяклар өчен ваннага: сулы тазга 100 грамм тоз саласы. Кул өчен: җылы суга 1-2 аш кашыгы тоз кирәк. Ваннада магний тозы салынган су йөрәк тирәсеннән аста булырга тиеш.