Словесное приношение протоиерея Артемия Владимирова
Без категории · 12 октября 2026 г.
Умиленное пение от нас слышиши, столетие спустя неправеднаго убиения твоего, о Царю Ник...
Умиленное пение от нас слышиши, столетие спустя неправеднаго убиения твоего, о Царю Николае, яко ныне правда от земли возсия, лесть же, врагами престола Русскаго измышленная, с шумом погибе: верен был еси, о святый Николае, присяге царевой и не разнствова усты твоими, воздавая славу вечному Царю: Аллилуия. ИКОС 11 Свет правды Божией в явление ныне прииде, о Царю Николае: от власти изменниками отрешен бысть отречения чуждый - яко невозможно есть Помазаннику Божию от престола отрещися, на негоже Богом той возведен бысть, посему последнему Русскому Царю вси единодушне воспоим: Радуйся, свеще во тьме безбожия и беззакония, Радуйся, драгий каменю благочестия, Радуйся, поборниче велией тайны благочестия, Радуйся, сопротивниче тайны беззакония, Радуйся, крамолы не устрашивыйся, Радуйся, изменникам царства противившийся, Радуйся, обманом и лестию в полон взятый, Радуйся, на лукавые посулы не склонивыйся, Радуйся, царевой присяге не изменивый, Радуйся, мнимому отречению противоставый молитвою, Радуйся, причастный тайне, яже в явление приидет, Радуйся, изведет бо Господь судьбу твою, яко полудне, Радуйся, Царю Николае, Помазанниче Божий. КОНДАК 12 Благодатию Божиею оправданный и в лике святых Церковью прославленный, вкупе со всеми помазанниками Божиими, от века угодившими общему Творцу и Судии, предстоиши Престолу Его в небесной славе со славословием Святей Троице: Аллилуия. ИКОС 12 Воспевая пращуров наших подвиги богоугодныя и чествуя святых собирателей Русския Земли по достоянию, поюще победоносное воскресение Христово, с теплою любовию обращаем к тебе словеса сия, Царю Николае: Радуйся, завещавый никому не мстити за ся, Радуйся, судьбы Отечества на небесах присно зряй, Радуйся, лик ходатаев за Святую Русь пополнивый, Радуйся, выну предстояй Владыце Христу, Радуйся, возсиявый, яко светильник в дому, Радуйся, яко подобен еси граду на горе высоце, Радуйся, клеветы и поношения святостью препобедивый, Радуйся, Церковью Божиею прославленный, Радуйся, путеводяй Россию страданьми ко славе, Радуйся, народ свой от ига безбожнаго избавивый, Радуйся, надеждо и утешение тя любящих и чтущих, Радуйся, державы Русския светлое чаяние, Радуйся, Царю Николае, Помазанниче Божий. КОНДАК 13 О святый царю Николае, пролитием мученическия крови своея вечным спасением увенчанный, умоли Владыку всея твари, во еже воцаритися благодати Его и в нас, недостойных - смирением и кротостью, чистотою и любовию - да поем Господеви: Алиллуия, Алиллуия, Алиллуия. ИКОС 1 Ангельских престол и господствий всесильный Творче, возводяй царей на престолы во образ державной силы и премудрости Твоея, благодарственная приносяще Ти, ублажаем святаго Помазанника Твоего Николая сице: Радуйся, к царскому помазанию от века предуставленный, Радуйся, на земное царство Небесным Царем избранный, Радуйся, всесильным Промыслом на престол возведенный, Радуйсся, благодатью премудрости осененный, Радуйся, закон, правду и суд в едином лице явивый, Радуйся, поставленный на правление целожизненное, Радуйся, земный образе Небеснаго Царя, Радуйся, Царю самодержавный, Радуйся, от Всемогущего Бога власть приемый, Радуйся, главо народа Русского, Радуйся, державный родичей своих украшение, Радуйся, Царя Миротворца сыне кроткий и милостивый, Радуйся, Царю Николае, Помазанниче Божий. КОНДАК 1 Возбранный Воеводо и Господи, царствуяй над всеми языки, возвещаяй им волю Твою, угодную, благую и совершенную, низпошли и мне, недостойному, силу Духа Твоего Святаго, да прославлю дивнаго во царех угодника Твоего и от сердца возглашу ему: Радуйся, Царю Николае, Помазанниче Божий. МОЛИТВА О Помазанниче Божий, Царю святый, Страстотерпче Николае, кровию Агнца Христа ризы своя на земли омывый и пришедый от велицей скорби к небесному подножию Царя царствующих и Господа господствующих! Во смирении нашем просим тя: принеси наше слезное покаяние и молитвенное воздыхание за Землю Русскую!