Словесное приношение протоиерея Артемия Владимирова
Без категории · 12 октября 2026 г.
Радуйся, всадниче под стягом Иисусовым,
Радуйся, всадниче под стягом Иисусовым, Радуйся, державный воеводо, Радуйся, надежду на победу в войска вселивый, Радуйся, кончине коегождо воина сострадавый, Радуйся, коленопреклоненне моливыйся пред боем, Радуйся, держай сердце твое в руце Божией, Радуйся, Николае, Помазанниче Божий КОНДАК 8 Странное таинство спасения нашего видим: Господь Иисус Христос избра путь вольных скорбей и уничижения, вместо предлежащей ему чести и славы яко Царю небеси и земли; темже апостол Петр речет: угодно есть Богови, аще кто страждет безвинне, блажен есть, яко Дух славы почивает на нем; темже и мы, смиряюще себе, воскликнем вси: Аллилуия. ИКОС 8 Вышний глас слыша во Евангелии, яко в мiре скорбни будут ученицы Христови и многими скорбьми подобает им внити во Царствие Небесное, святый Государь наш чуждь бе смущений и страхований в многоскорбнем служении своем, ведая и кончину, Духом ему предреченную; мы же, дивящеся мужеству его, со страхом и трепетом взываем: Радуйся, в день Иова многострадального родивыйся, Радуйся, в честь Святителя Николы Милостивого нареченный, Радуйся, яко венец мученический предзрел еси, Радуйся, яко мнози раби Божии страдания ти предрекли есте, Радуйся, скорбьми и напастьми испытанный, Радуйся, тяжестью царских барм умудренный, Радуйся, под Мономахову шапку главу покорне склонивый, Радуйся, златою гривною царскою отягощенный, Радуйся, Распятие Христово всегда в Дусе лицезревый, Радуйся, испити чашу страданий волею восхотевый, Радуйся, делателю молитвы и покаяния, Радуйся, благовестителю и заложниче Христовыя любве, Радуйся, Царю Николае, Помазанниче Божий. КОНДАК 9 Всяк человек весть молитву Давида царя: «Избави мя, Господи, клеветы человеческия, да сохраню заповеди Твоя»; но не всяк от нея избавлен бывает, да совершение духовное приимет; сего ради, святой Царь Николай, искушен по всяческим, при жизни и по смерти оклеветанный, вопияше Богу: Аллилуия. ИКОС 9 Недоумеют ветии церковныя, како достойно благохвалити страдальца Русския Земли, многоскорбнаго избранника Божия, державнаго Николая, слышащаго от нас сицевая: Радуйся, недругами Церкви Христовой оклеветанный, Радуйся, вероломными слугами коварне преданный, Радуйся отступниками веры и благочестия плененный, Радуйся, врагами Святыя Руси убиенный, Радуся, и по смерти гонимый правды ради, Радуйся, невеждами и лицемерами злословимый, Радуйся, ругателями веры поносимый, Радуйся, ради имени Христова возненавиденный, Радуйся, яко восприял еси часть Господню, Радуйся, яко причтен был еси ко злодеем c Иисусом, Радуйся, яко мзда твоя многа на небеси, Радуйся, Царю Николае, Помазанниче Божий! КОНДАК 10 Спасения Отечеству вожделев, готов был еси, Царю Николае, на любыя жертвы, памятуя, яко несть больши тоя любве, неже живот положити за други своя, посему, зряй лице смерти пред собою, в сердцы воспел еси : Аллилуия. ИКОС 10 Стены Ипатьева дома быша свидетелие убиения Помазанника Божия от руки злодеев, надписание на них оставивших: «Зде убиен есть глава Царства Русскаго, и о сем извещаются вси народи»; мы же ублажаем тя, Мучениче, за Христа пострадвшаго: Радуйся, в темней подклети с присными безвинно убиенный, Радуйся, кровь свою, яко агнец, молча пролиявый, Радуйся, пред лицем убийц кротким князем Борису и Глебу подражавый, Радуйся, страданий святого Андрея Боголюбиваго преемнниче, Радуйся, царственное всесожжение, Радуйся, благоухание Христово, Радуйся, себя и присных принесший в жертву умилостивления, Радуйся, всезлобного сатаны низвержение, Радуйся, яко спострадав Христу, с Ним на небеси воцарился еси, Радуйся, гласе всеобщего воскресения, Радуйся, яко любы Христова тобою в мiре утверждается, Радуйся, яко вера твоя есть победа, победившая мiр, Радуйся, Царю Николае, Помазанниче Божий. КОНДАК 11