Словесное приношение протоиерея Артемия Владимирова
Без категории · 12 октября 2026 г.
возводим очи окрест и молим, да дарует нам Бог мужа разума и силы, ходяща во страсе Бож...
возводим очи окрест и молим, да дарует нам Бог мужа разума и силы, ходяща во страсе Божии во еже право правити слово истины, молитвами святаго Страстотерпца Николая, и того славим глаголы сицевыми: Радуйся, благоговейный рабе Царя Небеснаго, Радуйся, Пресвятыя Богородицы почитателю, Радуйся, Церкви державный защитниче, Радуйся, храмов Божиих щедрый строителю, Радуйся, православныя веры глашатаю, Радуйся, вселенскому злу узду полагавый, Радуйся, яко в тебе сретостеся милость и истина, Радуйся, яко в тебе облобызастася правда и мир, Радуйся, священных пределов Отечества хранителю, Радуйся, христианских народов покровителю, Радуйся, мира поборниче, Радуйся, Царю Великия и Малыя и Белыя Руси, Радуйся, Николае, Помазанниче Божий. КОНДАК 5 Светильник телу есть око, по слову Спасителя нашего; оком же именует потаенного сердца человека в неистлении кротокого и молчаливого духа, еже пред Богом многоценно есть. Сия прилагающе и сия обретающе исполненным в житии царственного Мученика Николая, возвышаем глас ко прославившему его Богу: Аллилуия. ИКОС 5 Видим вси, обремененнии страстьми и похотьми, яко святый Государь отложи ветхаго человека, тлеющаго в похотех прелестных, облекся же в новаго, созданного по Богу в правде и преподобии истины, на всяк день обновляяся духом ума своего, да восписуем ему таковая: Радуйся, народов России благодетелю, Радуйся, державу нашу к процветанию веды’й, Радуйся, яко люди наши, тебе владеющу, умножахуся, Радуйся, яко славно и страшно бе во всем мире имя Русскаго Царя, Радуйся, правителю милостивый и великодушный, Радуйся, царю Давиду в кротости уподобивыйся, Радуйся, почитавый за благо воздержание, Радуйся, всякаго излишества чуждый, Радуйся, тружениче державный, Радуйся, яко преподобный Серафим нарече тя «христианином истинным», Радуйся, всегда верный слову своему, Радуйся, возненавидевый лукавство и лесть, Радуйся, Царю Николае, Помазанниче Божий. КОНДАК 6 Благою проповедию служит слово правды, житие же неукоризненное - много лучши есть, сугубую силу Духа в себе имуще, по реченному: аще кто сотворит едину заповедий сих малых, велий наречется во Царствии Небеснем. Стезям семейных добродетелей у великого во царех святаго Николая поучающеся, в радости славим Подателя всех благ Бога: Аллилуия. ИКОС 6 Возсияша святии Страстотерпцы яко солнце во Царствии Небеснем, на земли же подобни бяху светилам посреди рода нашего, прелюбодейнаго и грешнаго; осиянный светом учения Христова, да приимет благоверный Государь от нас похвальная: Радуйся, образе православных супругов, Радуйся, семьи своея светлая и мудрая главо, Радуйся, супружницу радостию именовавый, Радуйся, святый родителю, святых детей воспитавый, Радуйся, прививый чадам дух благочестия, Радуйся, носителю нелицемерныя любве, Радуйся, гордыни и гнева победителю, Радуйся, в сердцах домочадцев смирение и кротость насадивый, Радуйся, честь и честность без слов проповедавый, Радуйся, веру и верность паче всех ценивый, Радуйся, яко упование твое не посрамисте чада твоя, Радуйся, яко в них обрел еси присное утешение, Радуйся, Царю Николае, Помазанниче Божий. КОНДАК 7 Хотя свершити брань со врагом рода человеческаго во еже сокрушити сатану под ноги учеников Твоих, премудре на горе высоце вся искушения диавола отринул еси, Христе Боже, научая и уготовляя персты наши на брань, да знамение победы - крест Твой - воздвизающе, поем: Аллилуия. ИКОС 7 Новый Завет даровав, о Подвигоположниче нашего спасения, учиши нас, по слову апостола, восприяти вся оружия Божия: шлем спасения, броню правды, щит веры и меч слова Божия. Мы же славного во бранех святаго Государя нашего моляще о победе, песньми ублажаем сицевыми: Радуйся, от юности воинский чин и службу возлюбивый, Радуйся, яко же был еси ратным людем отец чадолюбивый, Радуйся, яко тяготы служения с вои рязделял еси, Радуйся, яко походных лишений общник был еси, Радуйся, богоизбранный вождю, Радуйся, верховный ратниче,