Словесное приношение протоиерея Артемия Владимирова
Без категории · 25 октября 2026 г.
Спасе́ния Оте́честву вожделе́в, гото́в был еси́, Царю́ Нико́лае, на любы́я же́ртвы, па́...
Спасе́ния Оте́честву вожделе́в, гото́в был еси́, Царю́ Нико́лае, на любы́я же́ртвы, па́мятуя, я́ко несть бо́льши сея́ любве́, не́же живо́т положи́ти за дру́ги своя́, посему́, зряй лице́ сме́рти пред собо́ю, в се́рдцы воспе́л еси́: Аллилу́иа. Икос 10 Сте́ны Ипа́тьева до́ма бы́ша свиде́телие убие́ния Пома́занника Бо́жия от руки́ злоде́ев, надписа́ние на них оста́вивших: «Зде убие́н есть глава́ Ца́рства Ру́сскаго, и о сем извеща́ются вси на́роди»; мы же ублажа́ем тя, Му́чениче, за Христа́ пострада́вшаго: Ра́дуйся, в те́мней подкле́ти с при́сными безви́нно убие́нный, Ра́дуйся, кровь свою́, я́ко а́гнец, мо́лча проли́явый, Ра́дуйся, пред лице́м уби́йц кро́тким кня́зем Бори́су и Гле́бу подража́вый, Ра́дуйся, страда́ний свята́го Андре́я Боголюби́ваго прее́мниче, Ра́дуйся, ца́рственное всесожже́ние, Ра́дуйся, благоуха́ние Христо́во, Ра́дуйся, себя́ и при́сных прине́сший в же́ртву умилостивле́ния, Ра́дуйся, всезло́бнаго сатаны́ низверже́ние, Ра́дуйся, я́ко спострада́в Христу́, с Ним на небеси́ воцари́лся еси́, Ра́дуйся, гла́се всео́бщаго воскресе́ния, Ра́дуйся, я́ко любы́ Христо́ва тобо́ю в мiре утвержда́ется, Ра́дуйся, я́ко ве́ра твоя́ есть побе́да, победи́вшая мiр, Ра́дуйся, Царю́ Нико́лае, Пома́занниче Бо́жий. Кондак 11 Умиле́нное пе́ние от нас слы́шиши, столе́тие спустя́ непра́веднаго убие́ния твоего́, о Царю́ Нико́лае, я́ко ныне пра́вда от земли́ возсия́, лесть же, врага́ми престо́ла Ру́сскаго измы́шленная, с шу́мом поги́бе: ве́рен был еси́, о святы́й Нико́лае, прися́ге царе́вой и не ра́знствова устна́ма свои́ма, воздава́я сла́ву ве́чному Царю́: Аллилу́иа. Икос 11 Свет пра́вды Бо́жией в явле́ние ны́не прии́де, о Царю́ Нико́лае: от вла́сти изме́нниками отреше́н бысть отрече́ния чу́ждый – я́ко невозмо́жно есть Пома́заннику Бо́жию от престо́ла отрещи́ся, на него́же Бо́гом той возведе́н бысть, посе́му после́днему Ру́сскому Царю́ вси единоду́шне воспои́м: Ра́дуйся, свеще́ во тьме безбо́жия и беззако́ния, Ра́дуйся, драги́й ка́меню благоче́стия, Ра́дуйся, побо́рниче ве́лией та́йны благоче́стия, Ра́дуйся, сопроти́вниче та́йны беззако́ния, Ра́дуйся, крамо́лы не устраши́выйся, Ра́дуйся, изме́нникам ца́рства проти́вившийся, Ра́дуйся, обма́ном и ле́стию в поло́н взя́тый, Ра́дуйся, на лука́вые посу́лы не склони́выйся, Ра́дуйся, царе́вой прися́ге не измени́вый, Ра́дуйся, мни́мому отрече́нию противоста́вый моли́твою, Ра́дуйся, прича́стный та́йне, я́же в явле́ние прии́дет, Ра́дуйся, изведе́т бо Госпо́дь судьбу́ твою́, я́ко полу́дне, Ра́дуйся, Царю́ Нико́лае, Пома́занниче Бо́жий. Кондак 12 Благода́тию Бо́жиею опра́вданный и в ли́ке свя́тых Це́рковию просла́вленный, вку́пе со все́ми пома́занниками Бо́жиими, от ве́ка угоди́вшими о́бщему Творцу́ и Судии́, предстои́ши Престо́лу Его́ в небе́сной сла́ве со славосло́вием Святе́й Тро́ице: Аллилу́иа. Икос 12 Воспе́вая пра́щуров на́ших по́двиги богоуго́дныя и че́ствуя святы́х собира́телей Ру́сския Земли́ по достоя́нию, пою́ще победоно́сное воскресе́ние Христо́во, с те́плою любо́вию обраща́ем к тебе́ словеса́ сия́, Царю́ Нико́лае: Ра́дуйся, завеща́вый никому́ не мсти́ти за ся, Ра́дуйся, су́дьбы Оте́чества на небеса́х при́сно зряй, Ра́дуйся, лик хода́таев за Святу́ю Русь пополни́вый, Ра́дуйся, вы́ну предстоя́й Влады́це Христу́, Ра́дуйся, возсия́вый, я́ко свети́льник в дому́, Ра́дуйся, я́ко подо́бен еси́ гра́ду на горе́ высо́це, Ра́дуйся, клеве́ты и поноше́ния свя́тостию препобеди́вый, Ра́дуйся, Це́рковию Бо́жиею просла́вленный, Ра́дуйся, путеводя́й Росси́ю страда́ньми ко сла́ве, Ра́дуйся, наро́д свой от и́га безбо́жнаго изба́вивый, Ра́дуйся, наде́ждо и утеше́ние тя лю́бящих и чту́щих, Ра́дуйся, держа́вы Ру́сския све́тлое ча́яние, Ра́дуйся, Царю́ Нико́лае, Пома́занниче Бо́жий. Кондак 13