Словесное приношение протоиерея Артемия Владимирова
Без категории · 25 октября 2026 г.
Хотя́ сверши́ти брань со враго́м ро́да человече́скаго во е́же сокруши́ти сатану́ под но...
Хотя́ сверши́ти брань со враго́м ро́да человече́скаго во е́же сокруши́ти сатану́ под но́ги ученико́в Тво́их, прему́дре на горе́ высо́це вся искуше́ния диа́вола отри́нул еси́, Христе́ Бо́же, науча́я и уготовля́я персты́ на́шя на брань, да зна́мение побе́ды – крест Твой – воздвиза́юще, пое́м: Аллилу́иа. Икос 7 Но́вый Заве́т дарова́в, о Подвигополо́жниче на́шего спасе́ния, учи́ши нас, по сло́ву апо́стола, восприя́ти вся ору́жия Бо́жия: шлем спасе́ния, броню́ пра́вды, щит ве́ры и меч сло́ва Бо́жия. Мы же сла́внаго во бра́нех свята́го Госуда́ря на́шего моля́ще о побе́де, пе́сньми ублажа́ем сицевы́ми: Ра́дуйся, от ю́ности во́инский чин и слу́жбу возлюби́вый, Ра́дуйся, я́коже был еси́ ра́тным лю́дем оте́ц чадолюби́вый, Ра́дуйся, я́ко тя́готы служе́ния с во́и разделя́л еси́, Ра́дуйся, я́ко похо́дных лише́ний о́бщник был еси́, Ра́дуйся, богоизбра́нный вождю́, Ра́дуйся, верхо́вный ра́тниче, Ра́дуйся, вса́дниче под стя́гом Иису́совым, Ра́дуйся, держа́вный воево́до, Ра́дуйся, наде́жду на побе́ду в во́йска всели́вый, Ра́дуйся, кончи́не коего́ждо во́ина сострада́вый, Ра́дуйся, коленопреклоне́нне моли́выйся пред бо́ем, Ра́дуйся, держа́й се́рдце твое́ в ру́це Бо́жией, Ра́дуйся, Царю́ Нико́лае, Пома́занниче Бо́жий. Кондак 8 Стра́нное та́инство спа́сения на́шего ви́дим: Го́сподь Иису́с Христо́с избра́ путь во́льных скорбе́й и уничиже́ния, вме́сто предлежа́щей ему́ че́сти и сла́вы я́ко Царю́ небеси́ и земли́; те́мже апо́стол Петр рече́т: уго́дно есть Бо́гови, а́ще кто стра́ждет безви́нне, блаже́н есть, я́ко Дух Сла́вы почива́ет на нем; те́мже и мы, смиря́юще себе́, воскли́кнем вси: Аллилу́иа. Икос 8 Вы́шний глас слы́ша во Ева́нгелии, я́ко в мiре ско́рбни бу́дут ученицы́ Христо́ви и мно́гими скорбьми́ подоба́ет им вни́ти в Ца́рствие Небе́сное, святы́й Госуда́рь наш чуждь бе смуще́ний и страхова́ний в многоско́рбнем служе́нии свое́м, ве́дая и ко́нчину, Ду́хом ему́ предрече́нную; мы же, дивя́щеся му́жеству его́, со стра́хом и тре́петом взыва́ем: Ра́дуйся, в день И́ова Многострада́льнаго роди́выйся, Ра́дуйся, в честь свя́тителя Нико́лы Ми́лостиваго нарече́нный, Ра́дуйся, я́ко вене́ц му́ченический предзре́л еси́, Ра́дуйся, я́ко мно́зи раби́ Бо́жии страда́ния ти предреко́ша, Ра́дуйся, скорбьми́ и напа́стьми испыта́нный, Ра́дуйся, тя́жестью ца́рских барм умудре́нный, Ра́дуйся, под Монома́хову ша́пку гла́ву поко́рне склони́вый, Ра́дуйся, зла́тою гри́вною ца́рскою отягоще́нный, Ра́дуйся, Распя́тие Христо́во всегда́ в Ду́се лицезре́вый, Ра́дуйся, испи́ти ча́шу страда́ний во́лею восхоте́вый, Ра́дуйся, де́лателю моли́твы и покая́ния, Ра́дуйся, благовести́телю и зало́жниче Христо́выя любве́, Ра́дуйся, Царю́ Нико́лае, Пома́занниче Бо́жий. Кондак 9 Всяк челове́к весть моли́тву Дави́да Ца́ря: «Изба́ви мя, Го́споди, клеветы́ челове́ческия, и сохраню́ за́поведи Твоя́»; но не всяк от нея́ изба́влен быва́ет, да соверше́ние духо́вное прии́мет; сего́ ра́ди свято́й Царь Никола́й, искуше́н по вся́ческим, при жи́зни и по сме́рти оклеве́танный, вопия́ше Бо́гу: Аллилу́иа. Икос 9 Недоуме́ют вети́и церко́вныя, како досто́йно благохвали́ти страда́льца Ру́сския Земли́, многоско́рбнаго избра́нника Бо́жия, держа́внаго Никола́я, слы́шащаго от нас сицева́я: Ра́дуйся, не́другами Це́ркви Христо́вой оклеве́танный, Ра́дуйся, вероло́мными слу́гами кова́рне пре́данный, Ра́дуйся отсту́пниками ве́ры и благоче́стия плене́нный, Ра́дуйся, врага́ми Святы́я Руси убие́нный, Ра́дуйся, и по сме́рти гони́мый пра́вды ра́ди, Ра́дуйся, неве́ждами и лицеме́рами злосло́вимый, Ра́дуйся, руга́телями ве́ры поноси́мый, Ра́дуйся, ра́ди и́мени Христо́ва возненави́денный, Ра́дуйся, я́ко восприя́л еси́ часть Госпо́дню, Ра́дуйся, я́ко причте́н был еси́ ко злоде́ем c Иису́сом, Ра́дуйся, я́ко мзда твоя́ мно́га на небеси́, Ра́дуйся, Царю́ Нико́лае, Пома́занниче Бо́жий. Кондак 10