Дойду үрдүнэн Аҕа дойдуну көмүскээччилэр, Саха өрөспүүбүлүкэтигэр Ийэ дойдуну көмүскээч... — 6 декабря 2025 г. в 06:21:58.234
Дойду үрдүнэн Аҕа дойдуну көмүскээччилэр, Саха өрөспүүбүлүкэтигэр Ийэ дойдуну көмүскээччилэр, Улуу Кыайыы 80 сылыгар аналлаах Сулҕаччы нэһилиэгин тэрилтэлэрин икки ардыларыгар ыытыллар “Кыайыыны уруйдаан” уус-уран көрүү фестиваль уопсай түмүгэ. “Кыайыыны уруйдаан” уус-уран көрүү фестивальбытын “Уруйдаан-Айхаллаан” хор күрэҕэ арыйбыта. Муус устар 26 күнүгэр, Саха Республикатын күнүгэр ананан ыытыллыбыт тэрээһиҥҥэ, барыта 7 тэрилтэ көхтөөх кыттыыны ылбыта. Ол курдук: 1. Сулҕаччы аҕам саастаахтарын түмсүүтэ 2. Сэргэ-Бэс кыра тэрилтэлэрин уонна аҕам саастаахтарын түмсүүтэ 3. Сулҕаччытааҕы “Чычып-чаап” уһуйаан 4. И.И. Константинов – Дэлэгээт Уйбаан аатынан Сулҕаччы орто оскуолатын коллектива 5. М.Н. Сибиряков аатынан Сэргэ-Бэс сүрүн оскуолатын коллектива 6. “Сулҕаччы нэһилиэгэ” тыа сирин түөлбэтин дьаһалтатын коллектива 7. Сулҕаччытааҕы ЖКХ коллектива Онтон ыам ыйын 3 күнүгэр “Эйэни, үлэни өрө тутан” үҥкүү түһүмэҕэр 5 тэрилтэ олус тэрээһиннээхтик бэлэмнэнэн үҥкүү кэрэ киэһэтин бэлэхтээбиттэрэ. Түмүк түһүмэх «Кэллим кэпсээри» айымньыттан туруоруу күрэҕэ сэтинньи 14 күнүгэр үрдүк таһымҥа ыытыллынна. Уопсай түмүгүнэн: 1. “Кылаан Чыпчаал” муҥутуур кыайыылаах Максим Николаевич Сибиряков аатынан Сэргэ-Бэс сүрүн оскуолатын коллектива. Директор Христофорова Екатерина Алексеевна. 2. Бастакы Үрдэл - Сэргэ-Бэс кыра тэрилтэлэрин уонна аҕам саастаахтарын түмсүүтэ. Салайааччы Конникова Устинья Ивановна. 3. Икки Үрдэл - Сулҕаччытааҕы “Чычып-чаап” уһуйаан коллектива. Салайааччы Баишева Анна Кимовна. 4. Үһүс Үрдэл - Сулҕаччы аҕам саастаахтарын түмсүүтэ бэрэстэбиитэлэ. Салайааччы Попова Елена Васильевна. 5. “Түмсүүлээх тэрилтэ” анал аат - Сэргэ-Бэс кыра тэрилтэлэрин уонна аҕам саастаахтарын түмсүүтэ.