🌿 Олоҥхо ытык сирэ биһиги норуоппут култууратын, историятын, духуобунай сыаннаһын ытык... — 6 июля 2026 г. в 07:58:22.532
🌿 Олоҥхо ытык сирэ биһиги норуоппут култууратын, историятын, духуобунай сыаннаһын ытыктыыр доҕотторун өссө төгүл муста. Норуот үгэһин тутуһуу - көлүөнэлэри ситимнииргэ, дьулусханнык уларыйар аныгы кэмҥэ тирэхтээх буоларга, күүс-уох иҥэринэргэ көмөлөөх. Кэбээйи нэһилиэгин «Уһун Хонуу» сиригэр-уотугар ыытыллыбыт «Олоҥхо ыһыаҕар-2026» кыттыыны ыллым. Саха сирин биир улахан бырааһынньыгар дойдубут араас муннугуттан кэлбит ыалдьыттары, ону тэҥэ тас дойду эпоһын толорооччуларын кытта билистим. Маннык көрсүһүүлэр бэйэ-бэйэбит култуурабытыгар, үгэстэрибитигэр ытыктабыллаах сыһыан баар буоллаҕына дьон түмсэрин, доҕордоһуу сыһыаны олохтуурун уонна саҥа саҕахтар арыллалларын өссө төгүл бигэргэтэр. Ону тэҥэ өрөспүүбүлүкэ бары муннуктарыттан кэлбит норуот маастардарын кытта көрүстүм, кинилэр бастыҥ үлэлэрин – саха быһахтарын, араас киэргэллэрин, муостан, мастан, тирииттэн оҥоһуктарын көрөн киһи сөҕөр-махтайар. Хас биир оҥоһукка сатабыл, иэйии уонна өбүгэ үгэһин утумнааһын чаҕылхайдык көстөр. Маннык талааннаах дьон баар буолан сахабыт култуурунай баайа-дуола сүтэн, симэлийэн хаалбат уонна көлүөнэттэн-көлүөнэҕэ бэриллэр. Мой канал в МАКС