*3 миэстэ Кириэстээхтэн Колодезникова Мария кыыһынаан Анналыын*, грамотанан, мэтээлинэн...
*3 миэстэ Кириэстээхтэн Колодезникова Мария кыыһынаан Анналыын*, грамотанан, мэтээлинэн уонна Галина Егоровна дьиэ кэргэнэ туруорбут, хаһаайка эрэ бары ымсыырар брендовай “SMEG” фирма чайнигынан наҕараадаланна. *2 миэстэ Баҕатаан Мутукча Саргын кыыһа уолунаан Талбанныын* "SMEG" фирма чугуннай хобордооҕун, мэтээл, грамота бэлэх тутта. *1 миэстэ Никонова Айыына кыыһа Милана* "SMEG" фирма чугуннай көстөрүүлэтинэн, мэтээлинэн, грамотанан наҕараадаланна. *Кылаан кыайыылааҕынан буоллулар Сантаева Виктория уола Степанныын*🥳🥳🥳 кыайыылаах кубогынан, "SMEG" быһах набуорунан наҕараадаланнылар. Атын кыттыбыт дьиэ кэргэттэр бары сыаналаах бириистэринэн наҕараадаланан илии тутуурдаах, өттүк харалаах тарҕастылар. Ону таһынан хас биир дьиэ кэргэн чугас дьоно, бииргэ үөрэнэр оҕолоро, төрөппүттэрэ бэлэх кыттыһан, ситиһиилэринэн эҕэрдэлээн бэлэх арааһын туттардылар. Сунтаардааҕы "Матери России" хамсааһын кэллэктиибэ, Бордоҥ нэһилиэгин олохтоох дьаһалтата, оскуола кэллэктиибэ, үлэлээн ааспыт "Хатыҥчаан" уһуйаан кэллэктиибэ, "Айыллаан" култуура киин, "Дьүөгэлэр" үҥкүү ансаамбыл кэллэктиибэ, ийэбит бииргэ үөрэммит доҕотторо, дьүөгэлэрэ, Сунтаартан кэлбит аймахтарбыт хайдах курдук ийэбитинэн киэн тутталларын, ытыктыылларын, убаастыылларын этэн туран, эҕэрдэ суруктарын, сэмэй бэлэхтэрин Галина Егоровнаҕа туттардылар. Фуршет минньигэс остуолугар бары кыттааччылар, ыалдьыттар ыҥырыллан чэйдээтилэр. Галина Егоровна кыргыттара сирдээҕи аанньалларын истиҥник эҕэрдэлээн туран ырыа бэлэх уунан дьон сүргэтин көтөхтүлэр. Бар дьонугар, оҕолоругар, кыттааччыларгар махтанан Галина Егоровна бырааһынньыктааҕы «ламбет» стиллээх тордун бэйэтин илиитинин, тутатына сугун отонунан киэргэтэн күндүлээтэ. Барыгытыгар кытаанах доруобуйаны, ситиһиини, дьолу баҕара хаалабыт Бөтүрүөптэр дьиэ кэргэттэрэ😘🥰❤️💐 Сонуну суруйда: Людмила Т. 11.10.2026 сыл.