👩🏻🍳🧑🏻🍳👩🏻🍳«*КУЛИНАРНЫЙ РИНГ*»🧑🏻🍳👩🏻🍳🧑🏻🍳
👩🏻🍳🧑🏻🍳👩🏻🍳«*КУЛИНАРНЫЙ РИНГ*»🧑🏻🍳👩🏻🍳🧑🏻🍳 Алтынньы ый 10 күнүгэр, Бордоҥ сиригэр-уотугар ыра санаа оҥостон, олоххо киллэрэр түгэн тосхойон, улууска аан маҥнайгытын ыытыллыбыт асчыттар күрэхтэрэ бэрт интириэһинэйдик, өрө көтөҕүллүүлээх, үрдүк таһымҥа буолан ааста. Бу күрэх Бордоҥ нэһилиэгин Дьоруой ийэтэ, арассыыйскай "Любовь и верность" мэтээл, "Ытык ийэ" бэлиэ хаһаайката, Саха сирин үөрэҕирии систиэмэтин бэтэрээнэ, Бордоҥ нэһилиэгин бочуоттаах олохтооҕо, 6- разрядтаах асчыт *Галина Егоровна Петрова* бирииһигэр ыытылынна. Бордоҥ орто оскуолатын иитэр-үөрэтэр салаатын салайааччыта Любовь Геннадиевна иилээн-саҕалаан ыытта. Күрэһи Саха сирин ийэлэрин күнүнэн эҕэрдэлээн туран 7 кылаас үөрэнээччитэ Данилов Коля ырыа бэлэх уунна, "Тэтим" үҥкүү ансаамбыла "Алгыс" үҥкүүтүнэн кэлбит ыалдьыттары, кыттааччылары айхаллаата. Алгыс ылыммычча Галина Егоровна алгыстаах алаадьытынан, фирменнай саламаатынан ыалдьыттарын күндүлээтэ. Барыта тоҕус хамаанда Кириэстээхтэн Колодезникова Мария кыыһынаан Анналыын, Сунтаартан Никонова Айыына кыыһынаан Миленалыын, Баҕатаан Мутукча Саргын кыыһа уолунаан Байаҕантай Талбанныын, Бордоҥтон Евсеева Елизавета кыыһа Милена, Иванова Наталия кыыһа Элиза, Николаева Дария уола Борис, Козлова Александра уола Геннадий, Сантаева София кыыһа Анна, Сантаева Виктория уола Степа олус бэлэмнэнэн, минньигэс астаах дьиэ кэргэн аатын сүгэр туһугар кииристилэр. Күрэс уопсайа түөрт түһүмэхтээх буолла,ол курдук бастакы түһүмэх итии ас. Куурусса этиттэн, бэйэлэрэ айбыт фирменнай соустаах, гарнирдаах 1 чаас устата астаан экспертар иннилэригэр көмүскээтилэр. Экспертар ыҥырыылаах ыалдьыттар Анна Багмет Нюрбатааҕы көһө сылдьар театр дириэктэрэ, Альбина Алексеевна Сунтаардааҕы технологическэй колледж маастара, Галина Егоровна бэйэтэ уонна кини кыыһа сүрүн эксперт республикатааҕы профессионалы күрэс хас да төгүллээх кыайыылааҕын бэлэмнээбит, Сунтаардааҕы оҕо дьоҕурун сайыннарар киин "Cooking time"🧑🏻🍳 педагога Зинаида Иванова буоллулар. Иккис түһүмэх "Черный лес" диэн ааттаах минньигэс десерт, ирдэбилинэн сакалааттаах биир чаас 30 мүнүүтэ иһигэр эрдэ этиллибитин курдук бэйэлэрин рецептарынан астаан көрдөрдүлэр. Бу түһүмэх Галина Егоровна аатырар сэбиэскэй кэминээҕи ааҕан сиппэт элбэх ахсааннаах туорду астаан бөһүөлэк, улуус тэрээһиннэригэр ыҥырыктаах буобар быһыытынан үлэлээн ааспыт кэмин туоһулуур түһүмэҕэ буолла. Үһүс, төрүт түһүмэх манна хамаандалар бириэмэҕэ күөрчэх ытыйан, ким илиитэ күүстээх, түргэн, сатабыллаах ол кыайда. Саамай ыарахан төрдүс түһүмэх "Слепая дегустация" ол эбэтэр харахтарын баайан, талан ылбыт нүөмэрдэринэн бэриллибит салаттары амсайан туох, ханнык састаап баарын таайан, остуолга бэлэмнэммит бородуукталартан салат оҥордулар. Бу түһүмэххэ амтаны билэр орган төһө сайдыбыта күүскэ көмөлөстө. Кыттааччылар бары да элбэх оҕолоох ыал ийэлэрэ буолан түргэн-тарҕан туттуулаахтара, асчыттара тутатына көстөр. Сүрдээх киирсиилэр кэннэ, экспертар түмүк таһаарар кэмнэригэр Любовь Геннадиевна күрэс кыттыылаахтарын үрдүк сыанаҕа таһааран санааларын ыйыталаста: элбэх кыттааччы бастакытын маннык күрэххэ кыттабыт диэн, сорохтор маннык күрэх буоларын күүппүппүт, сорох ийэлэр оҕобут астыыр ону поддержкалаан кытынныбыт дэстилэр, олус астыммыттарын биллэрдилэр. Бу кэмҥэ Дьоруой ийэ кыргыттара ыҥырыылаах ыалдьыттарга, күрэс кыттааччыларыгар фуршет тэрийэн саала иһин минньигэс аһынан толордулар. Галина Егоровна сатабылларын оҕолоругар, сиэннэригэр үөрүйэхтээбититтэн оҕолор да, сиэннэр да олохторугар туһанан улууска биллэр "Бөтүрүөптэр" диэн хорчуоппаһыттар, араас күрэхтэргэ, үбүлүөйдэргэ, сыбаайбаларга сакааһынан ас астаан, саҥа сүүрээннэри киллэрэн, кейтеринг салаатын баһылаан, араас бокстары, трендовай тортары, сакалаакка сууламмыт отоннору о. д. а астары астаан, атыылаан дьон биһирэбилин ылыан ылаллар. Дьэ, долгутуулаах түмүк тахсан кыайыылаахтар билиннилэр: