Бүгүн, алтынньы 30 күнүгэр, "Партизан" культура киинигэр сылы быһа ТОСтар икки ардыла...
Бүгүн, алтынньы 30 күнүгэр, "Партизан" культура киинигэр сылы быһа ТОСтар икки ардыларыгар ыытыллар күрэх чэрчитинэн "Хомустаах" түөлбэ көҕүлээһининэн "Музыкальная битва дворов " диэн бэрт сэргэх сонун тэрээһин буолан ааста. Манна 6 түөлбэ музыка кэрэ эйгэтин сэӈээрээччилэрэ биэстии киһилээх хамаанда буолан күөн көрүстүлэр. "Абаҕа" түөлбэттэн Саргылана Андреева, Кынаттаах Туйаара,Александр Федоров, Агафья Петрова, Лида Федорова кииристилэр. 5 түһүмэхтээх күрэҕи Партизан кулуубун үлэһиттэрэ Анна Трифонова уонна Герман Иванов иилээн-саҕалаан ыыттылар, дьүүллүүр сүбэҕэ Светлана Егорова, Жанна Макарова, Ольга Иванова-Алексеева үлэлээтилэр. Манна араас таһымнаах музыкальнай темаҕа ыйытыыларга хоруйдаан, ырыалары, ырыаһыттары таайан, сахалыы, нууччалыы, омук ырыатын ыллаан күрэх түмүгүнэн "Абаҕабыт " түөлбэтин хамаандата кыайыылаах үрдүк аатын сүгэн үөрүүбүт үксээтэ. Наһаа үчүгэй, аныгы кэмҥэ эппиэттиир олус интэриэһинэй күрэҕи тэрийбит "Хомустаах " түөлбэтигэр(сал. Елена Винокурова), "Партизан" кулуубун кэллэктиибигэр (сал. Айсен Федоров), Юлия Филипповаҕа барҕа махталбытын тириэрдэбит. Өссө да түөлбэлэр түмсүүлэрэ маннык дьону сомоҕолуур, түмэр тэрээһиннэри оҥорон сэлиэнньэбит олоҕун-дьаһаҕын тупсара, киэргэтэ турдуннар. ТОС Абаҕа