Ытыктабыллаах Сунтаар улууһун социальнай үлэһиттэрэ! — 7 июня 2026 г. в 22:22:34.187
Ытыктабыллаах Сунтаар улууһун социальнай үлэһиттэрэ! "Сунтаар улууһа (оройуона)" муниципальнай оройуон дьаһалтатын уонна оройуон депутаттарын Сэбиэтин ааттарыттан Эһигини барыгытын бэс ыйын 8 күнүгэр бэлиэтэнэр идэтийбит бырааһынньыккытынан – Социальнай үлэһит күнүнэн ис сүрэхпититтэн итиитик-истиҥник эҕэрдэлиибит! Социальнай үлэһит – бу биһиги уопсастыбабытыгар саамай гуманнай, дьоҥҥо-сэргэҕэ чугас уонна эппиэтинэстээх идэлээх дьон. Эһиги күн аайы көмөҕө, өйөбүлгэ наадыйар ыалларга, кырдьаҕастарга, инбэлииттэргэ, оҕолорго уонна атын даҕаны нэһилиэнньэ араҥатыгар сылаас тылгытынан, истиҥ сыһыаҥҥытынан, күүскүтүнэн-уоххутунан көмөҕө тиийэҕит. Эһиги үлэҕит нэһилиэнньэ социальнай быраабын хааччыйар, олохторун тупсарар, биһиги улууспутугар эйэни уонна бэрээдэги олохтуур. Хас биирдии киһи дьоһуннаахтык олорорун, уопсастыба толору чилиэнэ буоларын туһугар эһиги тулуурдаахтык, үтүө сүрэххитинэн үлэлиигит. Кыаммат-түгэммэт дьоҥҥо көмөҕүт, үлэҕитигэр бэриниигит, амарах сыһыаҥҥыт биһиэхэ барыбытыгар холобур буолар. Бу бырааһынньык күҥҥэ Эһиэхэ барыгытыгар чэгиэн доруобуйаны, дьолу-соргуну, үлэҕитигэр ситиһиилэри, эйэлээх олоҕу баҕарабыт! Үтүө дьыалаҕыт өрүү дьоҥҥо сырдыгы уонна эрэли биэрэ турдун! Сунтаар улууһун баһылыга А.В. Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова