*Сунтаарга сири кытта үлэ тэтимнээхтик барар* — 17 июня 2026 г. в 08:31:39.625
*Сунтаарга сири кытта үлэ тэтимнээхтик барар* 🌿🌿🌿Саха Сирин тыатын хаһаайыстыбатын миниистирин солбуйааччыта Сахаяна Павлова Сунтаар улууһугар сири туһаныы уонна мелиорация үлэлэрин хаамыытын кытта билсэр. Миниистири солбуйааччы икки күннээх үлэтин былааныгар улуус үрдүнэн ыытыллыбыт мелиоративнай үлэлэри сыаналааһын, ону тэҥэ быйылгы ыһыы уонна үүнүү уопсай туругун бэрэбиэркэлээһин киирдэ. Улууска сири чөлүгэр түһэрии уонна таба туһаныы боппуруостара ураты болҕомтоҕо тураллара мээнэҕэ буолбатах. Быйыл хаһаайыстыбалар үүнүүнү үрдэтэр уонна сүөһү аһылыгын өлгөмнүк бэлэмниир сыалларын ситиһэр былааннаахтар. Ол былаан олоххо киирэрин туһугар сири таҥастааһын үлэтэ сааскы кэмҥэ кэмигэр саҕаланан, билигин да күргүөмнээхтик ыытылла турар. Сири туһаныыга анал тиэхиньикэ күүһэ улахан көмө буолар. Санатан эттэххэ, ааспыт сылга улууска сири хаһар анал техника кэлэн, Тэҥкэ уонна Бордоҥ хайысхаларынан бэрт көдьүүстээх үлэ ыытыллыбыта. Быйыл ити уопут салҕанар. Бүлүүчээн уонна Кириэстээх нэһилиэктэрин өттүгэр ходуһалартан уонна бааһыналартан ууну түһэрии үлэлэрэ күүскэ бара тураллар. Сунтаар улууһугар сири оҥоруу уонна туһаныы үлэтэ үрдүк тэтимнээхтик ыытылларын тустаах салайааччы бэйэ хараҕынан көрөн, салгыы туох-ханнык үлэлэр барыахтаахтарын былаанныахтара. Манна даҕатан эттэххэ, мелиорация сыралаах үлэтэ улуус тыатын хаһаайыстыбатын саҥа таһымҥа таһаарарыгар эрэл улахан. _Сунтаар улууһун дьаһалтатын пресс-сулууспата_