Ытыктабыллаах Сунтаар улууһуттан Арассыыйа бойобуой дьайыыларын кыттыылаахтара! — 30 июня 2026 г. в 22:53:52.751
Ытыктабыллаах Сунтаар улууһуттан Арассыыйа бойобуой дьайыыларын кыттыылаахтара! Сунтаар улууһун дьаһалтатын, улуус депутаттарын Сэбиэтин уонна тус бэйэбит ааппытыттан Эһигини от ыйын 1 күнүгэр бэлиэтэнэр Арассыыйаҕа бойобуой дьайыылар кыттыылаахтарын Күнүнэн (День ветеранов боевых действий в России) дириҥник ытыктаан туран, ис сүрэхтэн эҕэрдэлиибит! Бу күн биһиги олохторун харыстаабакка, хорсун санааларынан Аҕа дойдуларын көмүскээбит, эйэлээх олоҕу уонна дьолу турууласпыт дьоруойдарбыт хорсун быһыыларын уонна үтүөлэрин ахтабыт-саныыбыт. Эһиги сэрии хонуутугар, ыарахан балаһыанньаларга бойобуой соруктары толорон, хоодуот быһыыгытынан дойдубут кэскилин харыстаабыккыт, чиэстээхтик сулууспалаабыккыт. Эһиги ыччаты патриотическай иитиигэ, төрөөбүт дойдуну таптыырга үтүө холобур буолаҕыт. Ытыктабыллаах бары бойобуой дьайыылар кыттыылаахтара! Эһиэхэ барыгытыгар чэгиэн доруобуйаны, үтүө санааны, дьиэ кэргэҥҥитигэр дьолу-соргуну баҕарабыт! Сунтаар улууһун баһылыга А.В. Григорьев Улуус депутаттарын Сэбиэтин бэрэссэдээтэлэ У.Д. Попова