Сиэйэҕэ успуорт лааҕыра үлэлээтэ — 7 июля 2026 г. в 07:02:29.951
Сиэйэҕэ успуорт лааҕыра үлэлээтэ М.Н.Анисимов аатынан Сиэйэ орто оскуолатын базатыгар, интэринээт дьиэтигэр, бэс ыйын 5-25 күннэригэр тустуунан дьарыктаныан баҕалаах оҕолорго аналлаах лааҕыр үлэлээбитэ. Бу лааҕырга Кириэстээхтэн, Тойбохойтон, Күндэйэттэн, Сиэйэттэн кэлэннэр хоно сытан успуорт саалатыгар эрчилиннилэр. Тириэньэрдэр Александр Львов,Валериан Петров, Петр Сидоров , Анатолий Семенов оҕолору тустуу үрдүк маастарыстыбатыгар уһуйдулар, эрчийдилэр. Дьокуускай куораттан кэлэ сылдьар сиэйэлэр күтүөппүт СӨ тустууга эппиэтинэстээх тириэньэрэ Семен Халыев, РФ, СӨ успуорт маастара, бэйэбит уолбут Арсен Семенов маастар кылаас, сүбэ-соргу биэрдилэр. Барыта 40 оҕо хабыллан дьарыгы аастылар, сынньаннылар, лааҕыр иһинэн ыытыллар тэрээһиннэргэ кытыннылар. Оҕолору минньигэс, тотоойу иҥэмтиэлээх аһынан Туйаара Дьяконова аьаталаата. Оттон медсиэстэрэ Варвара Данилова оҕолор доруобуйаларын кэтээн көрдө. Лааҕыр начальнигынан оскуола дириэктэрин иитии үлэҕэ сүбэһитэ Дария Федорова үлэлээтэ. «Уол оҕо кэскилбит- инникигэ эрэлбит» диэн туран уолаттар барахсаттар бу олоххо эриллэн мускуллан, ыстаал курдук хатарыллан тахсыахтара диэн эрэнэ күүтэбит! https://сунтаарсонуннара.рф/siejeҕe-uspuort-laaҕyra-үleleete/