Нэһилиэнньэҕэ аһаҕас аан күнэ тэрилиннэ — 10 июля 2026 г. в 10:35:22.719
Нэһилиэнньэҕэ аһаҕас аан күнэ тэрилиннэ Бүгүн, от ыйын 10 күнүгэр, Дьиэ кэргэн күнүн чэрчитинэн Л. А. Попов аатынан Сунтаардааҕы киин бибилэтиэкэҕэ нэһилиэнньэҕэ анаан аһаҕас аан күнэ тэрилиннэ. Бу күн нэһилиэнньэттэн киирбит ыйытыыларга улуус сүрүн, тутаах тэрилтэлэрин үлэһиттэрэ сүбэ-ама буолан мунаарар боппуруостарга хоруйдаатылар. Ол курдук, улуус дьаһалтата, оройуоннааҕы прокуратура, нотариус, социальнай харалта управлениета, баайга-дуолга сыһыаннаһыыларга комитета, киин балыыһа, ГТАС, социальнай пуонда, дьарыктаах буолуу киинэ уонна росреестр эппиэттээх үлэһиттэрэ кыттыыны ыллылар. Дьон-сэргэ кэлиитэ көхтөөх буолла. Сунтаар, Аллыҥа, Куокуну, Кириэстээх нэһилиэктэриттэн киирэн барыта 23 киһи араас ыйытыыларга сөптөөх хоруйу ыллылар. Аһаҕас аан күнэ тэрилтэлэр уонна дьиэ кэргэн икки ардыларыгар ситими бөҕөргөттө, өйөбүл уонна бииргэ үлэлээһин суолтатын көрдөрдө. Саргылана Генерова, Л.А. Попов аатынан Сунтаардааҕы киин бибилэтиэкэ ааҕар саалатын сэбиэдиссэйэ https://сунтаарсонуннара.рф/neһilienneҕe-aһaҕas-aan-kүne-terilinne/