"Сунтаар улууһа (оройуона)" муниципальнай оройуон дьаһалтатын, улуус(оройуон) депутатта...
"Сунтаар улууһа (оройуона)" муниципальнай оройуон дьаһалтатын, улуус(оройуон) депутаттарын Сэбиэтин уонна тус бэйэбит ааппытыттан Саха сирин спордун Бочуоттаах бэтэрээнэ, буулдьанан ытыыга, көҥүл тустууга, хайыһарга уонна бэлисипиэт спордугар ССРС спордун маастарыгар кандидат, Сунтаар улууһун ойуур хаһаайыстыбатын бэтэрээнэ, үлэ бэтэрээнэ, Сунтаар оройуонун Кутана нэһилиэгин Бочуоттаах олохтооҕо, Максимов Борис Павлович 2026 сыл от ыйын 28 күнүгэр 87 сааһыгар олохтон туораабытынан кини оҕолоругар, сиэннэригэр, чугас аймахтарыгар дириҥ кутурҕаммытын тиэрдэбит. Борис Павлович 1939 сыл олунньу 8 күнүгэр Кутанаҕа төрөөбүтэ. Кини олоҕун устата төрөөбүт дойдутун, Сахатын сирин туһугар күүһүн-уоҕун, билиитин-көрүүтүн харыстаабакка үлэлээбитэ. Борис Павлович ойуур хаһаайыстыбатын эйгэтигэр, айылҕаны харыстааһыҥҥа сыралаах үлэтэ, оройуон, нэһилиэк олоҕор киллэрбит сүдү кылаата умнуллубат. Кини спорка, чуолаан тустууга, хайыһарга, велоспортка уонна оҕунан ытыыга уһулуччу ситиһиилэрэ, эдэр ыччаты спорт бу көрүҥнэригэр сыһыарбыт, үөрэппит үтүөтэ улахан. Максимов Борис Павлович бары өттүнэн үтүө, чиэһинэй, дьулуурдаах, киһилии майгылаах киһинэн биһиги өйбүтүгэр-санаабытыгар сырдык өйдөбүл буолан хаалыаҕа. «Сунтаар улууһа (оройуона)» МО баһылыга А.В. Григорьев Сунтаар улууһун (оройуонун) депутаттарын Сэбиэтин бэрэссэдээтэлэ У.Д. Попова