*Дойду тыыннаах сибээһэ: Сунтаар делегацията байыаннай дьайыы зонатыгар сылдьар* — 4 августа 2026 г. в 06:44:30.413
*Дойду тыыннаах сибээһэ: Сунтаар делегацията байыаннай дьайыы зонатыгар сылдьар* 📦📦📦Сунтаар улууһун баһылыга Анатолий Григорьев салайааччылаах делегация анал байыаннай дьайыы зонатыгар былааннаммыт үлэтин салҕыыр. Кинилэр дойду көмүскэлигэр сулууспалыы сылдьар биир дойдулаахтарбытын кытта сирэй көрсөн, улуус олохтоохторун итии эҕэрдэтин уонна күүс-көмө буолар анал таһаҕаһы тиэртилэр. Бу сырыыга улуус урбаанньыттара уонна тэрилтэлэрэ ураты көмөнү оҥордулар. Байыастарга анаан хомуллубут дойду аһын набора, сакааһынан анал тэриллэр уонна харысхал буолар саха быһахтара истиҥ быһыыга-майгыга туттарылыннылар. Төрөөбүт сир аһа-үөлэ, сылаас тыыннаах бэлэхтэрэ уолаттарга улахан күүс-көмө буолаллар. Улуус баһылыга Анатолий Григорьев байыаннай сулууспалаахтары кытта истиҥник кэпсэтэн, кини дойдуга уонна улууска буола турар сонуннары үллэһиннэ, уолаттар хайдах сулууспалыы сылдьар туруктарын уонна туох эмэ наадыйыы баарын туоһуласта. Анатолий Васильевич биир дойдулаахтарбытыгар хорсун быһыыларын, эр санааларын иһин барҕа махтал тылларын тиэрдэн туран, этэҥҥэ кыайыылаах, доруобай эргиллэллэригэр баҕарда. Биллэн турар, байыастар бэйэлэрин соҕотох уонна көмөтө суох курдук санаамматтарын туһугар маннык айаннар улахан суолталаахтар. _Сунтаар улууһун дьаһалтатын пресс-сулууспата_