"Сунтаар улууһа (оройуона)" муниципальнай оройуон дьаһалтатын, улуус(оройуон) депутатта...
"Сунтаар улууһа (оройуона)" муниципальнай оройуон дьаһалтатын, улуус(оройуон) депутаттарын Сэбиэтин ааттарыттан үлэ бэтэрээнэ, Сунтаардааҕы нефтебазаҕа өр сыл үтүө суобастаахтык үлэлээбит, “Гражданскай килбиэн» бэлиэ туһааннааҕа, Никитин Иннокентий Прокопьевич 2026 сыл атырдьах ыйын 31 күнүгэр ыарахан ыарыыттан олохтон туораабытынан кини оҕолоругар, сиэннэригэр, чугас аймахтарыгар дириҥ кутурҕаммытын тиэрдэбит. Иннокентий Прокопьевич 1958 сыллаахха Мэҥэ Хаҥалас улууһун Лоомтука нэһилиэгэр төрөөбүтэ. Оҕо, эдэр саастара Аммаҕа ааспыта. Аармыйа кэнниттэн Благовещенскай куоракка медицинскэй институтка үөрэнэ киирбитэ. Үөрэнэ сылдьан кэргэннэнэн, бастакы уолун оҕолонон баран, кэргэнин дойдутугар Сунтаарга кэлэн олохсуйбута. Манна пенсияҕа тахсыар дылы Саханефтегаз Сунтаардааҕы нефтебазатыгар бэриниилээхтик үлэлээбитэ. Сыралаах үлэтэ сыаналанан Гражданскай килбиэн знагынан, элбэх Грамоталарынан, Махтал суруктарынан наҕараадаламмыта. Саха эр киһитин сиэринэн, Иннокентий Прокопьевич бултуурун, балыктыырын, айылҕаҕа сылдьарын туохтан да ордороро. Уолаттарын эмиэ батыһыннара сылдьан бултуурга, балыктыырга уһуйбута. Икки уол, икки кыыс амарах аҕата, элбэх сиэн эһэтэ, сытыары сымнаҕас майгылаах үтүө киһи сырдык мөссүөнүн чугас дьонноро сурэхтэригэр сөҥөрөн өйдүү-саныы сылдьыахтара. Сунтаар улууһун баһылыга А.В. Григорьев Улуус депутаттарын Сэбиэтин бэрэссэдээтэлэ У.Д. Попова