*Сунтаар сиригэр бэтэрээннэр Кыһыл Знамялара!*
*Сунтаар сиригэр бэтэрээннэр Кыһыл Знамялара!* 🚩🚩🚩Саха сиригэр өрөспүүбүлүкэ бэтэрээннэрин Сэбиэтэ тэриллибитэ 40 сыллаах өрөгөйдөөх үбүлүөйүн чэрчитинэн, өрөспүүбүлүкэ үрдүнэн улахан суолталаах эстафета буола турар. Бу ураты тэрээһин алгыстаах Кыһыл Знамята улуустары, нэһилиэктэри кэрийэр чиэскэ тиксэр уонна бэтэрээннэр үтүө үгэстэрин, хорсун быһыыларын, көлүөнэлэр ситимнэрин кэрэһилиир. Бүгүн ураты устуоруйалаах бэлиэ Ньурбаттан Сунтаар улууһугар туттарылынна. Бэтэрээннэр сэбиэттэрин салайааччыта Афанасий Васильев Кыһыл Знамяны улуус биир бастыҥ көрдөрүүлээх нэһилиэгэр Түбэй-Дьаархаҥҥа утаарда. Баһылык Семен Петров бэлиэни тутан туран, бу тэрээһин нэһилиэк олохтоохторугар, ордук эдэр көлүөнэҕэ, патриотическай иитиллиигэ уонна бэтэрээннэргэ ытыктабылы күүһүрдүүгэ улахан суолталааҕын бэлиэтээтэ. Ытык бэлиэ Сунтаар улууһун бары нэһилиэктэрин кэрийэ сылдьан, бэтэрээннэри кытта көрсүһүүлэр, ахтыы киэһэлэрэ уонна үүнэр көлүөнэни иитиигэ туһуламмыт араас өрүттээх тэрээһиннэр буолуохтара. Кыһыл Знамя Сунтаар сиригэр алтынньы 1 күнүгэр диэри сылдьыаҕа. Эстафета салҕанар, бэтэрээннэрбит үтүө ааттара уонна өҥөлөрө үйэлэргэ ааттанар! _Сунтаар улууһун дьаһалтатын пресс-сулууспата_