СУНТААР УЛУУҺУГАР УОТУНАН СЫЛЫТТЫЫГА ЧЭПЧЭТИИЛЭЭХ ТАРЫЫП ДЬАЙЫЫТА КЭҤЭЭТЭ
СУНТААР УЛУУҺУГАР УОТУНАН СЫЛЫТТЫЫГА ЧЭПЧЭТИИЛЭЭХ ТАРЫЫП ДЬАЙЫЫТА КЭҤЭЭТЭ Саха Республикатын государственнай мунньаҕа (Ил Тумэн) олорор дьиэни уотунан сылыттыыга чэпчэтиилээх тарыыбы кэҥэтии туһунан сокуону ылынан — балаҕан ыйын 1 күнүттэн гидроэлектростанция үлэлиир зонатыгар олорор дьоҥҥо уотунан туһаныы иккис диапазонугар эмиэ тарҕанар. Урут электроотопление тарыыба бастакы диапазон туһанааччыларга эрэ тарҕаммыта, билигин кини дьайыыта гидроэлектростанция үлэлиир зонатыгар олорор уонна уотунан сылыттыыны туһанар олохтоохторго иккис диапазоҥҥа дылы кэҥээтэ. Электрическэй энергияны туһаныы диапазоннарын кыраныыссалара маннык түҥэтиллибиттэр: - бастакы диапазон 7020 киловатт/чааска диэри; - иккис диапазон-7021 — тэн 10 800 киловатт/чааска диэри; - үһүс диапазон-10 801 киловатт/чаастан тахса. Чэпчэтиилээх тарыып иккис диапазона саамай тымныы ыйдарга — сэтинньи, ахсынньы, тохсунньу уонна олунньу ыйдарга туттуллар. Чэпчэтиилээх тарыып иккис диапазоӈӈа дылы кэӈиирэ баһылыкпыт А. В. Григорьев уонна Сунтаар улууһуттан депутаттарбыт А. В. Постников, А. Ю. Николаев сыралаах үлэлэрин түмүгэр ситиһилиннэ. Сунтаар улууһун дьаһалтата