Ытыктабыллаах финансистар уонна үп-харчы эйгэтин үлэһиттэрэ!
Ытыктабыллаах финансистар уонна үп-харчы эйгэтин үлэһиттэрэ! Сунтаар улууһун дьаһалтатын, улуус депутаттарын Сэбиэтин уонна тус бэйэбит ааппытыттан эһигини идэлээх бырааһынньыккытынан – Бүтүн Арассыыйатааҕы Финансистар күннэринэн итиитик-истиҥник эҕэрдэлиибит! Эһиги үлэҕит улууспут социальнай-экономическай сайдыытыгар олус улахан суолталаах. Финансаҕа туруктаах буолуу, бүддьүөт былааннаахтык толоруллуута, үбү-харчыны дьаһайыы – бу барыта эһиги күн аайы ыытар сыралаах, эппиэтинэстээх үлэҕит түмүгэ. Эһиги үрдүк профессионализмҥыт Сунтаар улууһун олохтоохторун олоҕун хаачыстыбатын тупсарыыга сүдү оруолу оонньуур. Эһиги үлэҕит сатабылы, табатык ааҕыыны, кэлэр кэскили өтө көрүүнү эрэйэр. Ол түмүгэр финансовай өттүнэн туруктаах буолан, улуус социальнай эбэһээтэлистибэлэрин толорор кыахтанар, сайдыыга дьулуһар. Бу бэлиэ күҥҥэ эһиэхэ чэгиэн доруобуйаны, дьолу-соргуну, ситиһиилэри уонна айымньылаах үлэни баҕарабыт! Сунтаар улууһун баһылыга А.В.Григорьев Улуус депутаттарын Сэбиэтин бэрэссэдээтэлэ У.Д.Попова