*Сунтаар улууһун сайдыытын уонна тыа хаһаайыстыбатын үбүлээһин боппуруостарын дьүүлэсти...
*Сунтаар улууһун сайдыытын уонна тыа хаһаайыстыбатын үбүлээһин боппуруостарын дьүүлэстилэр* 🔹️🔹️🔹️Республикаҕа олохтоох бэйэни салайыныы уонна сокуону таһаарар былаас ситимнээх үлэлэрин чэрчитинэн, Сунтаар улууһун баһылыга Анатолий Григорьев Ил Түмэн Бэрэссэдээтэлэ Алексей Еремеевтыын көрүстэ. Сүбэ мунньахха улуус социальнай-экономическай сайдыытын сүрүн көрдөрүүлэрэ, олохтоох бүддьүөт толоруллуута уонна тыа хаһаайыстыбатын өйөөһүн боппуруостара көрүлүннүлэр. Мунньах сүрүн тиэмэтинэн Сунтаар улууһун олохтоох бүддьүөтүн туолуутун хаамыыта буолла. Анатолий Григорьев билиҥҥи туругунан үптэн тутулуктаах сүрүн хайысхалары сырдатта. Кини былааннаммыт бырайыактар олоххо киирэллэригэр уонна социальнай хайысха туруктаах буоларыгар өрөспүүбүлүкэ өттүттэн өйөбүл, үбүлээһин улахан суолталааҕын бэлиэтээтэ. Маны тэҥэ, тыа хаһаайыстыбатын өйөөһүн, ол иһигэр үүт субсидиятын таһымын үрдэтии, эбии үбүлээһин тула кэпсэттилэр. Бу дьаһал олоххо киирдэҕинэ олохтоох табаары оҥорон таһаарааччыларга уонна кэтэх хаһаайыстыбалаах дьоҥҥо улахан тирэҕинэн буолуоҕа. Түмүккэ, Өрөспүүбүлүкэ Парламенын уонна Сунтаар улууһун салалтатын икки ардыгар тыа сирин олоҕун уйгутун тупсарар, олохтоох оҥорон таһаарыыны күүһүрдэр туһугар биир ситимнээх үлэни өссө көдьүүстээхтик ыытарга сөбүлэстилэр. _Сунтаар улууһун дьаһалтатын пресс-сулууспата_