*Сунтаарга алдьаммыт суоллары чөлүгэр түһэрии үлэтэ саҕаланна*
*Сунтаарга алдьаммыт суоллары чөлүгэр түһэрии үлэтэ саҕаланна* 🔹️🔹️🔹️Сунтаар нэһилиэгэр халаан уутун уонна күүстээх ардах содулуттан алдьаммыт суоллары өрөмүөннээһин үлэтэ саҕаланна. Бу сайыҥҥы күүстээх ардахтар өрүс кытылын суурайаннар, тиэхиньикэ сылдьар суолун быһа көтөн улахан хоромньуну таһаарбыта. Бу суолталаах тутуу уонна чөлүгэр түһэрии үлэлэрэ Транспорт уонна суол хаһаайыстыбатын министиэристибэтин хайысхатынан ыытыллар. Билигин саамай улахан күүс өрүс үрдүнэн сытар Ленина уулуссатыгар ууруллар, тоҕо диэтэр бу учаастак нэһилиэк олоҕор-дьаһаҕар улахан суолталаах уонна улахан алдьаныылаах сиринэн буолар. Маны таһынан, былаан быһыытынан бу нэдиэлэҕэ өссө 4 суолга өрөмүөн үлэтэ барыаҕа. Суоллары кэмигэр уонна хаачыстыбалаахтык оҥорон таһаарарга барыта 3 подряднай тэрилтэ күүһүн ууран үлэлии сылдьар. Нэһилиэкпит суоллара сотору кэминэн урукку туруктарыгар киирэн, сырыы холкутуоҕа диэн эрэнэбит. Үлэ хаамыытын туһунан сонуннары салгыы сырдатан иһиэхпит. ✍️Сунтаар улууһун дьаһалтатын пресс-сулууспата