Ытыктабыллаах Сунтаар улууһун олохтоохторо уонна ыалдьыттара!
Ытыктабыллаах Сунтаар улууһун олохтоохторо уонна ыалдьыттара! Сунтаар улууһун дьаһалтатын, улуус депутаттарын Сэбиэтин уонна тус бэйэбит ааппытыттан эһигини Арассыыйаҕа норуоттар сомоҕолоһууларын күнүнэн ис сүрэхпититтэн итиитик-истиҥник эҕэрдэлиибит! Бу күн биһиги улахан дойдубут Арассыыйа историятыгар сүдү суолталаах. Бу бырааһынньык Минин уонна Пожарскай 1612 сыллаахха Москваны польскай интервеннэртэн босхолообуттарыгар ананан 2004 сыллаахха олохтоммута. Кини норуоттар биир санааланыыларын, биир сомоҕо буолууларын кэрэһилиир, дьоҥҥо-сэргэҕэ санаа күүһүн, инникигэ эрэли биэрэр. Биһиги улууспутугар даҕаны, республикабытыгар даҕаны олорор элбэх араас омук дьоно бииргэ олорон, биир сомоҕо буолан, дойдубут сайдыытыгар кылааты киллэрэрбит олус суолталаах. Күндү биир дойдулаахтарбыт! Бу кэрэ-бэлиэ күн эһиги дьиэ кэргэҥҥитигэр эйэни-дьолу, чэгиэн доруобуйаны, үлэҕитигэр-хамнаскытыгар ситиһиилэри, Сахабыт сирэ уонна Арассыыйа чэчирии сайдалларын туһугар күүстээх үлэни баҕарабыт! Сомоҕолоһуу күүһүнэн инникибитин оҥостуоҕуҥ! Сунтаар улууһун баһылыга А.В. Григорьев Улуустааҕы депутаттар Сэбиэттэрин бэрэссэдээтэлэ У.Д. Попова