Өфө йәш артистарҙы ҡаршы ала! — 23 июня 2026 г. в 09:25:01.002
Өфө йәш артистарҙы ҡаршы ала! Башҡортостандың баш ҡалаһына Бөтә Рәсәй балалар фольклориадаһында ҡатнашыусылар килә. Өфө ысын мәғәнәһендә илебеҙҙең таланттарын берләштереп, ижади баш ҡалаға әйләнә. Фольклориадала ҡатнашыусыларҙы бөгөн Мостай Кәрим исемендәге «Өфө» халыҡ-ара аэропорты һәм тимер юл вокзалы иртә таңдан ҡаршы ала. Республика ҡунаҡтарын ғәҙәттәгесә башҡорт халыҡ бейеүҙәре һәм халыҡ музыка ҡоралдарында көйҙәр менән сәләмләйҙәр. Фольклориадала ҡатнашыусылар ҙа яуапһыҙ ҡалмай - улар үҙҙәренең музыкаль сәләмләүҙәрен әҙерләгән. 24 июндән 26-на тиклем Совет майҙаны фестивалдең төп йәлеп итеү урыны буласаҡ.
522 просмотров