Район үҙәгендә Баҙал биҫтәһендәге уйын майҙансығында ГТО нормативтарын тапшырыу урыны б... — 30 июля 2026 г. в 14:14:10.709
Район үҙәгендә Баҙал биҫтәһендәге уйын майҙансығында ГТО нормативтарын тапшырыу урыны булдырыла! ГТО комплексы майҙансыҡтарын ҡуйыу буйынса эш «Рәсәй спорты» дәүләт программаһы сиктәрендә алып барыла. -Физик культураны һәм спортты үҫтереү һәр ваҡыт беҙҙең өҫтөнлөклө бурыстарҙың береһе булып тора. Рәсәй Федерацияһының спорт министрлығы ярҙамы менән Бөрйән районы ГТО майҙансығын төҙөү өсөн сертификатҡа эйә булды. Бындай объект районда тәүге түгел: 2021 йылда милли проект сиктәрендә ГТО майҙансығы Иҫке Собханғол ауылының һул ярында булдырылғайны, - тип белдерҙе район хакимиәте башлығы Рәмил Абдуллин. Әлеге ваҡытта бетондан нигеҙ эшләнгән, белгестәр 26 спорт элементын ҡуйыуға тотонған: тренажерҙар һәм швед стеналары, гимнастика эскәмйәләре, һикереү өсөн комплекстар һәм башҡа ҡорамалдар урынлаштырыла. Хәүефһеҙлек өсөн майҙансыҡҡа резина япма һалынасаҡ. Яңы спорт объектын асыу август айына планлаштырылған.