III Бөтә Рәсәй балалар фольклориадаһында ҡатнашыусылар башҡорт халыҡ ижады менән таныша — 25 июня 2026 г. в 07:04:34.614
III Бөтә Рәсәй балалар фольклориадаһында ҡатнашыусылар башҡорт халыҡ ижады менән таныша Был байрам бөтә илдән сағыу коллективтарҙың сығыштарын ҡарай алған ҡала халҡы өсөн генә түгел, йәш артистар өсөн дә бүләк. Өфө ҡунаҡтары бер-береһе менән күңелле кисәләрҙә - дуҫлыҡҡа, берҙәмлеккә һәм татыулыҡҡа урын булған осрашыуҙарҙа таныша! Әйлән-бәйлән, яңғырауыҡлы таҡмаҡтар һәм ҡомарлы боронғо уйындар - балалар Рәсәй халыҡтарының милли мәҙәниәте менән йәшәй. Тәүге көндә үк Өфө ҡунаҡтары башҡорт милли ярыштары менән танышты. Тоҡтарҙа йүгереү, арҡан тартышыу һәм башҡа күңел асыуҙар яҡшы кәйеф һәм ихлас спорт ҡомарын тыуҙыра. Шулай итеп, йылмайыу һәм күмәк уйын аша бар сиктәр юйыла, таланттар арта һәм Бөтә Рәсәйҙән яңы дуҫтар барлыҡҡа килә!
128 просмотров