Ахсыс биоинженернай кылааска аһаҕас уруок ыытылынна. Уруок тиэмэтэ:Тифло хоһоон эйгэтэ... — 8 мая 2026 г. в 01:00:19.585
Ахсыс биоинженернай кылааска аһаҕас уруок ыытылынна. Уруок тиэмэтэ:Тифло хоһоон эйгэтэ уонна кинигэ устунан айан". Оксана Андросова Андреев Ананий Кононовичка айбыт поэма хоһоонун харахтарын симэн олорон истии кэмигэр: араас дьүһүлгэнинэн айылҕа тыаһа-ууһа, киһи олоҕун кыһарҕаннаах тыына, оччотооҕу кэми бу баардыы тилиннэрэн, Лидия Аргунова тыыннаах араас дэгэттээх куолаһынан аахпыта - оҕоҕо тиийимтиэ, сонун буолла. Лена Неустроева ааптар Галина Арылахова таһаартарбыт кинигэлэринэн презентация оҥорон билиһиннэрдэ. Оҕолор тимир көлөнөн айаннаан, үс бөлөххө арахсан хаһан да истибэтэх, ханна да аахпатах саарын туһунан кинигэлэртэн оҕолор информация хомуйдулар. Ол кимий? Андреев А.К. туһунан дириҥник өтөн хасыһан чинчийбит Галина Арылахова ыалдьыт буолан кэлэн оҕолорго кэпсээн, аһаҕас уруогу байытта. Оҕолор бары саҥардылар. Тугу билбиттэрин санааларын үллэһиннилэр. Билиҥҥи кэминэн ылан көрүөххэ, Ил Дархан уонна судаарыстыбаннай мунньах спикерин курдук икки улахан дуоһунаска тэҥинэн үлэлээбит киһи. Кини кэмигэр сайдыыны быһаарар суол тутуута, улахан куоракка Киин электростанция саҥа тутуутун о.д.а. улахан үлэлэр тиһигин быспакка ыытыллыбыттара. Таатта улууһугар киин сир Уолбаҕа дуу, Чөркөөххө дуу оҥорор туһунан үс күннээх холкуостаах мунньаҕар мөккүөр тахсыбытыгар, илэ бэйэтинэн тахсан Ытык Күөлгэ оҥоруохха диэн этиитин ылыналлар. Ытык Күөл хаһан да уолбат уулаах, нэһилиэнньэ төһө баҕарар улаатыа, Магадан тыраассатын суолун кытыытыгар табыгастаах сир. Аҕыс балаҕан баар сирин таба көрөн, улуус киинэ буоларыгар улахан төһүү буолбута. Саха сиригэр аан бастакы үрдүк үөрэхтээх инженер- теплоэнергетик үөрэхтээх киһи Москубаттан энергетикэ салаатыгар ананан биир сыл иһигэр Дьокуускай куорат уота-күөһэ күүһүрэригэр үлэ ыыппыта. Бу уот станцията тутуллуутун Аан дойду барыта кэтээн көрбүтэ. Ил Дархан Айсен Николаев дьаһалынан Андреев Ананий Кононович балаҕан ыйын 22 күнүгэр 125 сааһынан үбүлүөйдээх тэрээһин ыытыллыахтаах. Уруок бүтүүтэ ОДЬКХ-ҔА Андреев аатын сүгэр түмэлгэ ыам ыйын бүтүүтэ баран экскурсиялыырга, дакылаат суруйарга сорук турда. @Сандаара