Загружаем публикацию…
Мы используем cookies для работы сайта и аналитики посещаемости. Подробнее в Политике обработки данных и Правилах.
Прочее · 5 июля 2026 г.
🌿Балык Бистәсенең 🏤Бирдебәк авылы клубы каршында елдагыча, бәйрәмнәр яратучы нәниләр өчен җәйге бәйрәм уздырылган 🎉Бәйрәм һәрвакыттагыча, мавыктыргыч һәм дәртләндергеч ярышлар белән үрелеп барган. Бу хакта безгә авыл мәдәният йорты җитәкчесе Евдокия Толстова сөйләде: «Балалар ярышта үзләренең көчләрен һәм җитезлекләрен зур дәрт белән күрсәттеләр. Мәйданда ат булып чабу, күкәй кабып йөгерү, танкта йөрү, көянтә белән су ташу, балык тоту, капчык киеп йөгерү, аркан тартышу, бака аяклары киеп чабу, бүрәнә өстендә капчыклар белән сугышу һәм башка бик күп күңелле ярышлар булды. Балалар бу уеннарны уйнаганда мәш килделәр, кәефләре шәп булды. Бу күркәм очрашу нәниләр күңелендә озак сакланырлык якты хатирә булып калыр. Мондый чаралар балаларга бәйрәм рухын гына түгел, ә мәрхәмәт, игелек, ихтирам кебек күркәм сыйфатларның кадерен дә төшендерә», – ди ул.
