Мамадышта хәтер һәм горурлык символы — Дан аллеясы ачылды👍 — 31 августа 2026 г. в 09:15:26.502
Мамадышта хәтер һәм горурлык символы — Дан аллеясы ачылды👍 Мамадышның 245 еллыгы көнендә, шәһәрнең тарихи үзәге — Совет урамында истәлекле вакыйга - Дан аллеясын тантаналы ачу узды. Мемориаль комплекс мамадышлылар өчен шәһәрнең юбилее, хәрби һәм хезмәт даны елы уңаеннан лаеклы бүләк булды. ❤️ Идеядән тормышка ашыруга кадәр Дан аллеясын булдыру идеясе күптән туган иде. Урын очраклы гына сайланмаган: Совет урамы — иске Мамадышның йөрәге кебек, монда төп архитектура һәйкәлләре тупланган. Революциягә кадәр монда сәүдә рәтләре, совет чорында исә «дуслык йортлары» урнашкан булган. Аллеяның чиркәү белән мәчет арасында урнашуы да символик мәгънәгә ия, бу райондагы гасырлар буе дәвам иткән халыкара татулыкны ассызыклый. Проект республикабыз җитәкчелеге ярдәме белән тормышка ашырылды. Архитектор Рамил Миңнеханов тематик юнәлешләр буенча төркемләнгән якташлар исемлеге язылган 17 колоннададан(рәттән) торган проект иҗат итте. ❤️ Район елъязмасы Бүген Дан аллеясы шәһәр халкын һәм кунакларны үзенең бар матурлыгы белән җәлеп итеп тора. Тышкы яктагы паннолар борынгы заманнардан — VI гасырдан башлап, безнең эрага кадәр Мамадыш районы тарихын сөйли. Һәр стенд — мөһим вакыйгаларга һәм күренекле якташларга багышланган. Колоннада эчендә архитектура формаларында башкарылган 6 тематик китап урнаштырылган, аларда район үсешенә өлеш керткән 1300 дән артык кешенең исеме бар. Алар арасында — төрле еллардагы җитәкчеләр, Мактаулы гражданнар, авыл хуҗалыгы алдынгылары, мәгариф һәм сәламәтлек саклау ветераннары, хокук саклау органнары хезмәткәрләре, дин һәм спорт вәкилләре. ДӘВАМЫН укырга: https://tuganaylar.ru/news/xabarlar/mamadysta-xater-ham-gorurlyk-simvoly-dan-alleiasy-acyldy