«Һәрвакыт кешегә әйтер сүзем бар. Бу — чирдер инде» — 17 сентября 2026 г. в 15:52:36.733
«Һәрвакыт кешегә әйтер сүзем бар. Бу — чирдер инде» 🎭Татарстанның атказанган артисты, Кәрим Тинчурин исемендәге татар дәүләт драма һәм комедия театры актеры Артем Пискунов белән әңгәмәдән өзек💬 — Артем, театр сезоны башланды. Җиң сызганып эшкә керешәсез. Быел да премьералар күп була. Ни өчен театрлар андый тизлектә эшли? — «Бу кызык түгел, тагын, яңа кирәк», — дип әйтәбез. Чөнки хәзер кешеләргә кешенең хисләре кызык түгел. Режиссерлар да күпвакыт шуңа иярә. Елына 4 сыйфатлы спектакль чыгару күпкә хәерле. Санкт-Петербургта Лев Додинның «Братья и сестры» спектаклен карап кайттым. Ул 6 сәгатьтән күбрәк, ике тәнәфес белән бара. Моны, билгеле, озак диләр. Әмма ул спектакль театрда инде 40 елдан күбрәк уйнала. Андый спектакльләр дә бик кирәк. Башны эшләтү, бер үк тырмага басмау, уйлану өчен кирәк. Театр — хезмәт күрсәтү урыны түгел. Безгә монда уйланырга ризык, сорауларга җавап алырга киләләр. Театр җәмгыятьнең кимчелекле якларына төртеп күрсәтергә тиеш. Ә андый иҗат җимешен тиз генә булдырып булмый. «Менә сиңа роль, эшлә», — дигәнгә кайтып калабыз. Ә театр көллияте һәм зур сәхнә арасында аерма күп. Төп геройларны уйнаучы артистлар булсын өчен, аларны үстерергә кирәк. Әңгәмәнең дәвамы: https://tuganaylar.ru/news/xabarlar/artem-piskunov-harvakyt-kesega-aiter-suzem-bar-bu-cirder-inde