⚡Уругларның көрүжү-биле айыыл чок чорук — 27 августа 2026 г. в 03:33:31.507
⚡Уругларның көрүжү-биле айыыл чок чорук ✍Кызыл хоорайның 22 дугаар школазының чанында «Пифагор» хүндүскү лагерьге чайгы үеде уругларның айыыл чок чоруунга тураскаакан чурук мөөрейин түңнээнин республиканың немелде өөредилге сайзырадыр төвү дыңнаткан. Мөөрейге шупту отрядтардан аңгы-аңгы назы-харлыг уруглар киришкен. Элээди чурукчулар айыыл чок дыштанылганың кол-кол адырларын боттарының чуруктарынга илереткен. Чогаадыкчы мөөрейге уруглар чаартыкчы болгаш бот-тускайлаң чоруун көргүскен. Чуруктарда сугга бодун алдынарының, орук шимчээшкининиң дүрүмнери, чадаг-терге азы самокат мунарда, шлемну кедери дээн ышкаш угланыышкыннар илереттинген. Тиилекчини шилип алыры амыр эвес болганын жюри кежигүннери дыңнаткан: ажыл бүрүзү чүгле чурук эвес, а чайгы дыштанылганы айыыл чок болдурарының дугайында тайылбыр болган. Мөөрейниң түңнели-биле элээн каш номинацияларга тиилекчилерни илереткен. Тергиин чуруктарны лагерьниң стендизинде аскан, авторларынга шаңналдарны тывыскан.